Photos : श्रीमंत दगडूशेठ गणपती हलवाई मंदिरात दोन हजार किलो द्राक्षांची आरास; संकष्टी चतुर्थीनिमित्त दर्शनासाठी भाविकांची अलोट गर्दी

पुण्यातील श्रीमंत दगडूशेठ हलवाई मंदिरात भाविक दर्शनासाठी येत असतात. आज देखील संकष्टी चतुर्थीनिमित्त भाविक सकाळपासूनच गर्दी करत आहेत. खास संकष्टी चतुर्थीनिमित्त मंदिराला द्राक्षांची आरास करण्यात आली आहे. श्रीमंत दगडूशेठ हलवाई सार्वजनिक गणपती ट्रस्टतर्फे काळ्या आणि हिरव्या द्राक्षांनी मंदिरास सजावट करण्यात आली. नाशिक येथील सह्याद्री फार्मर्स प्रोड्युसर कंपनीच्या शेतकऱ्यांनी पिकवलेली द्राक्षे आरास करण्यासाठी वापरण्यात आली. सुमारे दोन हजार किलो द्राक्षे या सजावटीसाठी वापरण्यात आली आहेत. संकष्टी चतुर्थीनिमित्त सजलेले श्रीमंत दगडूशेठ हलवाई मंदिर. शेतकऱ्यांनी पिकवलेल्या केमिकल विरहित द्राक्षांचा वापर या सजावटीसाठी करण्यात आला. काळ्या आणि हिरव्या द्राक्षांनी श्रीमंत दगडूशेठ हलवाई मंदिरातील गाभारा आणि सभामंडप सजला होता. यावेळी ट्रस्टचे सुनील रासने, महेश सूर्यवंशी, कंपनीचे व्यवस्थापकीय संचालक विलास शिंदे यांसह सह्याद्री फार्मर्स प्रोड्युसर कंपनीचे पदाधिकारी देखील उपस्थित होते. श्रीमंत दगडूशेठ हलवाई मंदिरात केलेली आकर्षक आरास पाहण्याकरता भाविकांनी गर्दी केली होती. ( सर्व फोटो : सागर कासार / लोकसत्ता)