Photos: लढाऊ, चिवट आणि देखणे मारवाडी घोडे पाहण्यासाठी पुणेकरांची रेसकोर्सवर गर्दी

लढाऊ, चिवट आणि देखणा अश्व अशी ओळख असलेल्या मारवाडी प्रजातीचे घोडे पाहण्यासाठी पुणेकरांनी गुरुवारी गर्दी केली. (सर्व फोटो : आशिष काळे, द इंडियन एक्सप्रेस)इंडिजिनस हॉर्स ओनर्स असोसिएशनतर्फे आयोजित मारवाडी हाॅर्स शो मध्ये पुणेकरांना हे घोडे पहायला मिळाले. नागरिकांना विनामूल्य प्रवेश असल्याने उन्हामध्येही नागरिकांनी आवर्जून रेसकोर्सला भेट दिली. गुजरात, पंजाब, आंध्रप्रदेश, कर्नाटक, मध्यप्रदेश या राज्यातून सव्वाशे ते दीडशे अश्व या स्पर्धेत सहभागी झाले आहेत. यामध्ये मिल्क टीथ फिली, मिल्क टीथ कोल्ट, टू टीथ फिली, टू टीथ कोल्ट या प्रकारातील नर आणि मादी अश्वांचा समावेश आहे.घोड्यांच्या वयोगटानुसार सहा विभागांमध्ये उत्कृष्ट घोड्यांची स्पर्धा घेण्यात येत आहे.मारवाडी घोडे आणि त्यांचा रूबाब पाहण्यासाठी नागरिक मोठ्या संख्येने उपस्थित होते. इंडिजिनस हॉर्स ओनर्स असोसिएशनचे अध्यक्ष अजय नॅन्सी यांनी या स्पर्धेसंदर्भातील सविस्तर माहिती दिली.शुक्रवारी (१ एप्रिल) दुपारी अडीच ते रात्री साडेआठ या वेळात अंतिम फेरी झाल्यांतर स्पर्धेतील सर्वोत्कृष्ट अश्व पुरस्कार जाहीर करण्यात येईल.उद्याही पुणेकरांना हे घोडे पाहण्याची संधी उपलब्ध असणार आहे.