PHOTOS: आनंद दिघेंच्या टेंभीनाका येथील देवीची मुख्यमंत्र्यांकडून सहकुटुंब पूजा, शिंदे कुटुंबीय देवीचरणी लीन

धर्मवीर आनंद दिघे यांनी ठाण्यातील टेंभीनाक्यामध्ये सुरू केलेल्या नवरात्रोत्सव मंडळाला मुख्यमंत्री एकनाथ शिंदे यांनी सहकुटुंब भेट दिली. पंचमीच्या दिवशी मुख्यमंत्र्यांनी सपत्निक पूजा केली. एकनाथ शिंदे यांचे पूत्र खासदार श्रीकांत शिंदे आणि त्यांच्या पत्नीने मनोभावे दुर्गा देवीची पूजा-अर्चना केली. टेंभीनाक्यातील जय अंबे धर्मादाय विश्वस्त संस्थेच्या नवरात्रोत्सव मंडळात मुख्यमंत्र्यांनी सहकुटुंब दुर्गा देवीची विधिवत पूजा केली. १९७८ सालापासून सुरू करण्यात आलेल्या टेंभीनाका येथील नवरात्रोत्सवाची फार मोठी परंपरा आहे. जय अंबे धर्मादाय विश्वस्त संस्थेच्यावतीने दरवर्षी नवरात्रोत्सव मोठ्या उत्साहात साजरा केला जातो. यावर्षी करोना निर्बंधाशिवाय नवरात्रोत्सव साजरा होत असल्याने भक्तांमध्ये उत्साह संचारला आहे. धर्मवीर आनंद दिघे यांना देवीचा साक्षात्कार झाला होता असे बोलले जाते. या साक्षात्कारानुसार दिघेंनी मूर्ती बनवून घेतली. तशीच मूर्ती आजतागायत घडवली जात आहे. आनंद दिघे यांच्या निधनानंतर मुख्यमंत्री एकनाथ शिंदे यांनी टेंभीनाक्यामधील नवरात्रोत्सवाची परंपरा कायम ठेवली आहे. मुख्यमंत्री एकनाथ शिंदे यांच्या हस्ते टेंभीनाक्यामधील देवीची आरती करण्यात आली (फोटो सौजन्य- खासदार डॉ. श्रीकांत शिंदे यांच्या इन्स्टाग्रामवरुन)