Gudi Padwa 2025 : पालघरमध्ये गुढीपाडवा- नववर्षानिमित्त शोभायात्रा; पारंपरिक कलापथकांचा उत्स्फूर्त सहभाग, पाहा फोटो…

गुढीपाडवा व नववर्षाचे औचित्य साधून गुढीपाडवा शोभायात्रा मंडळ आणि संस्कार भारती पालघर यांच्यावतीने "सूर पहाटेचे" व गुढीपाडवा शोभायात्रेचे आयोजन समितीतर्फे करण्यात आले. या उपक्रमाला नागरिकांचा उत्स्फूर्त प्रतिसाद लाभला पालघरमध्ये गेल्या २५ वर्षांपासून नववर्षाचे स्वागत निमित्त संगीताचा विशेष कार्यक्रम तसेच २०१० सालापासून यानिमित्ताने शोभायात्रांचे आयोजन केले जात आहे. गुढीपाडवा व नववर्षानिमित्त सूर पहाटेचा कार्यक्रम सकाळी ६ ते ७.३० या वेळेत पालघर येथील लक्ष्मीनारायण मंदिराच्या आवारात संपन्न झाला. या संगीताच्या कार्यक्रमानंतर सकाळी ७.३० वाजता लक्ष्मीनारायण मंदिरापासून पालघर रेल्वे स्थानकापर्यंत शोभायात्रा काढण्यात आली. या शोभायात्रेत बॅण्ड पथक, लेझिम पथक, तारपा नृत्याचे पथक, भजनमंडळीची पथके सहभागी झाले होते. त्याचबरोबरीने नागरिकांनी आपापल्या पारंपरिक वेशभूषेमध्ये मोठ्या संख्येत उपस्थित होते. पालघरमधील गणेश मंडळ, सामाजिक शैक्षणिक संस्था, सांस्कृतिक संस्था, जाती संस्था अशा संस्थां बॅनरसह शोभायात्रेत उत्साहाने सहभागी झाल्या होत्या. पालघरसह जिल्ह्यात अनेक ठिकाणी गुढीपाडवा निमित्ताने विशेष कार्यक्रमांचे आयोजन करण्यात आले होते. (सर्व फोटो - लोकसत्ता टीम) हेही पाहा - Gudhi Padwa 2025 : अभिनेत्री धनश्री काडगांवकरचा गुढीपाडवा विशेष मराठमोळा लूक, फोटो व्हायरल…