Photos: ढोल-ताशांचा गजर, महिलांची फुगडी, भाविकांची गर्दी; पुण्यातील मानाचे गणपती विसर्जनाच्या मार्गावर

पुण्याचा मानाचा पहिला गणपती कसबा गणपती आज पारंपरिक जल्लोषात विसर्जन मिरवणुकीसाठी निघाला असून, लक्ष्मी रोडवर भव्य शोभायात्रा सुरू आहे. (एक्सप्रेस फोटो- अरुल होरायझन) लक्ष्मी रोडवर भक्तांनी रंगीबेरंगी रांगोळी काढली आहे. त्यामुळे परिसर उत्सवी रंगात न्हाऊन निघाला आहे. (एक्सप्रेस फोटो- अरुल होरायझन) भक्तांनी गर्दी करून बाप्पाच्या दर्शनासाठी एकच उत्साह निर्माण केला असून, सर्वत्र केशरी ध्वज आणि गुलालाची उधळण दिसत आहे. (एक्सप्रेस फोटो- अरुल होरायझन) मिरवणुकीत महिला मंडळी पारंपरिक पोशाखात फुगडी खेळत बाप्पाचे स्वागत करीत आहेत; तर लहानांपासून मोठ्यांपर्यंत प्रत्येक जण नृत्य करत आहे. (एक्सप्रेस फोटो- अरुल होरायझन) पुण्याच्या मानाच्या पहिल्या गणपतीचे विसर्जन पाहण्यासाठी भाविकांची तुफान गर्दी झाली आहे. (एक्सप्रेस फोटो- अरुल होरायझन) ढोल-ताशांच्या गजरात, झांजांच्या निनादात आणि 'गणपती बाप्पा मोरया'च्या घोषणांनी संपूर्ण परिसर दुमदुमला आहे. (एक्सप्रेस फोटो- अरुल होरायझन) मानाचा दुसरा गणपती तांबडी जोगेश्वरी आज पारंपरिक जल्लोषात विसर्जन मिरवणुकीसाठी निघाला असून, रोडवर भक्तांचा सागर उसळला आहे. (एक्सप्रेस फोटो- अरुल होरायझन) पारंपरिक पोशाखातील कार्यकर्ते गणपती बाप्पाच्या पालखीला खांद्यावर घेत घोषणांच्या गजरात पुढे सरकत आहेत. (एक्सप्रेस फोटो- अरुल होरायझन) केशरी फेटे बांधलेले कार्यकर्ते आणि गुलालाची उधळण यांमुळे संपूर्ण वातावरण उत्सवी रंगात न्हाऊन निघाले आहे. (एक्सप्रेस फोटो- अरुल होरायझन) मिरवणुकीत लहान मुलेही रंगून गेली असून, पालकांच्या खांद्यावर बसून बाप्पाचे दर्शन घेत आहेत. (एक्सप्रेस फोटो- अरुल होरायझन) महिलांनी पारंपरिक नऊवारी साडीत नाचगाणी आणि टाळ-झांजांच्या साथीने बाप्पाला निरोप दिला. (एक्सप्रेस फोटो- अरुल होरायझन) पुण्याचा मानाचा दुसरा गणपती तांबडी जोगेश्वरी या भव्य शोभायात्रेत हजारो भाविक सहभागी झाले आहेत. (एक्सप्रेस फोटो- अरुल होरायझन) रस्त्याच्या दुतर्फा उभे राहून नागरिकांनी गणपतीचे दर्शन घेतले, तर छत व बाल्कनीतूनही बाप्पाला निरोप देत आहेत. (एक्सप्रेस फोटो- अरुल होरायझन)