Cannes 2022 : फर्स्ट लेडी, राजकुमारी अन् अमृता फडणवीस; ‘कान्स’च्या रेड कार्पेटवरील खास फोटो पाहिलेत का?

माजी मुख्यमंत्री आणि राज्याचे विरोधी पक्षनेते देवेंद्र फडणवीस यांच्या पत्नी अमृता फडणवीस नेहमीच चर्चेत असतात. कधी त्यांच्या नवीन गाण्यामुळे तर कधी विरोधकांना आपल्या खास शैलीत उत्तरं दिल्यामुळे अमृता फडणवीस चर्चेचा विषय ठरतात. परंतु, आता कान्स चित्रपट महोत्सवातील लूकमुळे अमृता फडणवीस पुन्हा एकदा चर्चेत आल्या आहेत. आंतरराष्ट्रीय पातळीवर मानाच्या मानल्या जाणाऱ्या कान्स चित्रपट महोत्सवाला अमृता फडणवीसांनी हजेरी लावली. या महोत्सवातील फोटो अमृता फडणवीसांनी सोशल मीडियावर शेअर केले आहेत. कान्स चित्रपट महोत्सवासाठी अमृता फडणवीसांनी खास लूक केला होता. काळ्या रंगाचा ड्रेस परिधान करत अमृता फडणवीस रेड कार्पेटवर अवतरलेल्या दिसल्या. अमृता फडणवीस यांच्या महोत्सवातील लूकची सोशल मीडियावर चर्चा रंगली आहे. कान्स चित्रपट महोत्सव १७ मे पासून सुरू झाला आहे. यंदाचा हा ७५वा कान्स चित्रपट महोत्सव २८ मे पर्यंत असणार आहे. कान्स चित्रपट महोत्सवातील खास फोटो. (सर्व फोटो : अमृता फडणवीस, फेस्टिवल दी कान्स/ ट्विटर)