Queen Elizabeth II Death : ब्रिटनच्या महाराणी एलिझाबेथ द्वितीय यांचा राजघराण्यातील पुढचा उत्तराधिकारी कोण?, जाणून घ्या

ब्रिटनच्या महाराणी एलिझाबेथ द्वितीय यांचं गुरुवारी (८ सप्टेंबर) रोजी वयाच्या ९६ वर्षी निधन झालं. त्यांनी स्कॉटलंडमध्ये अखेरचा श्वास घेतला. मागील बऱ्याच काळापासून त्यांची प्रकृती खराब होती आणि त्यांच्यावर वैद्यकीय उपचारही सुरू होते. १९५२ साली त्या ब्रिटनच्या महाराणी पदावर आल्या होत्या. मागील ७० वर्षांपासून त्यांनी ब्रिटनची महाराणी हे पद सांभाळले. त्यांच्या निधनानंतर आता पुढचा उत्तराधिकारी कोण असेल, याबद्दल जाणून घेऊया. महाराणी एलिझाबेथ द्वितीय आणि राजकुमार फिलिप यांना चार्ल्स, एडवर्ड, एंड्रयू ही मुले आहेत. त्यांना एक मुलगी असून तिचं नाव राजकुमारी एनी असं आहे. यापैकी चार्ल्स सर्वात थोरले असल्याने ब्रिटनचे नवे सम्राट म्हणून त्यांना घोषित करण्यात आले आहे. त्यांच्या पत्नी केमिला पार्कर नव्या महाराणी असतील. चार्ल्स यांना विलियम आणि हॅरी ही दोन मुले आहेत. विलियम यांनी केट मिडिलटन यांच्याशी लग्नगाठ बांधली असून त्यांना दोन मुले आणि एक मुलगी आहे. अभिनेत्री मेगन मार्कलशी लग्न केल्यामुळे चर्चेत आलेले हॅरी २०२० मध्ये त्यांच्या कुटुंबियांपासून वेगळे झाले. त्यांना दोन मुले आहेत. महाराणी एलिझाबेथ द्वितीय यांचे पुत्र एंड्रयू यांना दोन मुली आहेत. राजकुमार एडवर्ड हे महाराणी एलिझाबेथ द्वितीय यांचे तिसरे पुत्र आहेत. त्यांना एक मुलगा आणि एक मुलगी आहे. महाराणी एलिझाबेथ द्वितीय यांची मुलगी राजकुमारी एनी हिने दोन विवाह केले आहेत. राजकुमार पीटर फिलिप्स आणि जारा डिंटल ही दोन मुले आहेत. महाराणी एलिझाबेथ द्वितीय आणि त्यांचे कुटुंबीय. (सर्व फोटो : Reuters) (हेही पाहा :स्मिता ठाकरेंनंतर आणखी एक ठाकरे एकनाथ शिंदेंच्या निवासस्थानी पोहोचल्याने चर्चा )