वाढदिवसाच्या सेलिब्रेशननंतर सारा तेंडुलकरचे मिनी व्हेकेशन, फोटोसह कॅप्शनही चर्चेत

मास्टर ब्लास्टर सचिन तेंडुलकरची मुलगी सारा तेंडुलकर ही कायमच विविध कारणांमुळे चर्चेत असते. सारा ही लाइमलाइटपासून दूर असली तरी सोशल मीडियावर सक्रिय असल्याचे पाहायला मिळते. काही दिवसांपूर्वी साराने तिचा २५ वा वाढदिवस साजरा केला. याचा सेलिब्रेशनचा एक व्हिडीओ तिने शेअर केला होता. त्यानंतर आता ती तिच्या वाढदिवसाचे औचित्य साधत परदेशात सुट्ट्या एन्जॉय करताना दिसत आहे. सारा ही सध्या हंग्रीमधील बुधापेस्ट या ठिकाणी फिरताना दिसत आहे. तिने तिचे काही फोटो सोशल मीडियावर शेअर केले आहेत. या फोटोला तिने हटके कॅप्शनही दिले आहे. "गेल्या आठवड्यात मी २५ वा वाढदिवस साजरा केला. यावेळी मी काही दिवसांकरिता हंग्री या ठिकाणी सुट्ट्या एन्जॉय करण्यासाठी गेली होती", असे सारा म्हणाली. "मी आता पुन्हा परतली असली तरी मी मानसिकरित्या बुधापेस्टमध्ये आहे", असे ही तिने म्हटले. तिचे या सुट्ट्यांचे फोटो व्हायरल झाले आहेत. अनेकांनी त्यावर कमेंट करत तिला वाढदिवसाच्या शुभेच्छा दिल्या आहेत.