Photos : क्रिकेटर पती, काँग्रेस नेत्याची पुतणी अन् भाजपाच्या तिकिटावर उमेदवारी; जाणून घ्या रवींद्र जडेजाच्या पत्नीबद्दल

भारताचा अष्टपैलू क्रिकेटर रवींद्र जडेजाची पत्नी रिवाबा जडेजा हिला भाजपाने गुजरात विधानसभा निवडणुकीसाठी तिकीट दिलं आहे. गुजरातमधील उत्तर जामनगर भागातून रिवाबा जडेजा निवडणूक लढवणार आहे. भाजपाने विधानसभेचं तिकीट दिल्यानंतर रवींद्र जडेजा आणि त्याची पत्नी रिवाबा जडेजा चर्चेत आले आहेत. रिवाबा जडेजा मुळची गुजरातमधील राजकोट येथील रहिवाशी आहे. तिचे वडील हरदेव सोलंकी हे एक प्रसिद्ध व्यायसायिक आहेत. रवींद्र जडेजाशी विवाह होण्याआधी ती रिवा सोलंकी या नावाने ओळखली जायची. रिवाबाने मेकॅनिकल इंजिनीअरिंगचे शिक्षण घेतले असून आधीपासूनच ती सामाजिक कार्यात सक्रिय राहिलेली आहे. २०१९च्या लोकसभा निवडणुकीपूर्वीच तिने भाजपामध्ये प्रवेश केला होता. त्याआधी रिवाबा राजपूत गटाच्या करणी सेनात सक्रिय होती. कॉंग्रेस नेते हरि सिंह सोलंकी यांची रिवाबा पुतणी आहे. राजकोटमध्ये जडेजा कुटुंबियांचे ‘जड्डूस फूड फिल्ड’ नावाचे रेस्टॉरंट आहे. रिबावा आणि रवींद्र जडेजा यांनी १७ एप्रिल २०१६ साली लग्नगाठ बांधली. त्यांना निधायना ही मुलगी आहे. रिवाबा जडेजाने भाजपात प्रवेश केल्यानंतर पक्षाच्या प्रदेशाध्यक्षांनी “रिवाबा गुजरातच्या ओळखीचा चेहरा आहे. भाजपाला याचा नक्कीच फायदा होईल”, असं वक्तव्य केलं होतं. १ व ५ डिसेंबरला गुजरातमध्ये विधानसभेसाठी मतदान होणार असून ८ डिसेंबर या निवडणुकीचा निकाल लागणार आहे. या निवडणुकीत रिवाबा जडेजा भरघोस मतांनी निवडूण येणार असल्याच्या अपेक्षा पक्षाला आहेत. (सर्व फोटो : रिवाबा जडेजा/ फेसबूक) (हेही पाहा >> Photos : ‘या’ अभिनेत्रीमुळे शोएब मलिक आणि सानियाच्या नात्यात दुरावा? घटस्फोटाच्या चर्चांनंतर फोटो झाले व्हायरल)