Photos: चर्चेतला वाघ – तोरा दाखवणारी ताडोबा-अंधारी व्याघ्रप्रकल्पातील ‘छोटी मधू’

ताडोबा-अंधारी व्याघ्रप्रकल्पातील 'छोटी मधू'ने कितीही तोरा दाखवला तरी पर्यटक कायम तो झेलण्यासाठी तयार असतात. किंबहूना पर्यटक तिच्या दर्शनासाठी आतुर असतात, असे म्हणले तर वावगे ठरणार नाही. हीच 'छोटी मधू' वाघीण पर्यटकांनी जास्त आक्रास्ताळेपणा केला, तर त्यांच्या अंगावर धावून जायलाही कमी करत नाही. या व्याघ्रप्रकल्पात अलीकडेच काही वर्षांपूर्वी ही घटना घडली होती. ताडोब्यातील आगरझरी बफर क्षेत्रात व्याघ्रदर्शनासाठी गेलेल्या नागपूरातील पर्यटकांच्या जिप्सीचा 'छोटी मधू' वाघिणीने पाठलाग केला. वाघाला जवळून पाहण्यासाठी धडपडणाऱ्या पर्यटकांचा अति उत्साह त्यांच्याच अंगलट आला. वाघ दिसताच पर्यटकांचा उत्साह उचंबळून आला आणि मग छायाचित्रासाठी धडपड सुरू झाली. 'छोटी मधू'ला अक्षरश: पर्यटक वाहनांनी घेरले. शेवटी ती चवताळली आणि त्या पर्यटकांनी भरलेल्या वाहनांच्या मागे लागली. घाबरलेले पर्यटक जोरजोरात ओरडायला लागले. 'छोटी मधू'ने त्यांना चांगलाच धडा शिकवला. कित्येकदा पर्यटकांना तिने केलेल्या शिकारीचा देखील तोरा दाखवला आहे. तर मोठ्या ऐटीत तीने कुटुंबासह पर्यटकांना दर्शन दिले आहे. सर्व छायाचित्र - प्र. सु. हिरूरकर (हेही पाहा : बछड्यांवर अतोनात माया करणारी ताडोबाची 'क्वीन')