Photo : आजोबा-नातवाची झक्कास जोडी, राज ठाकरेंच्या नातवाचे क्यूट फोटो पाहिलेत का?

विविध राजकीय भूमिकेमुळे चर्चेत असणारे महाराष्ट्र नवनिर्माण सेनेचे अध्यक्ष राज ठाकरे काही महिन्यांपूर्वी आजोबा झाले. राज ठाकरे यांचे सुपूत्र अमित ठाकरे आणि सूनबाई मिताली ठाकरे यांना ५ एप्रिल २०२२ रोजी पुत्ररत्न प्राप्ती झाली. ‘किआन अमित ठाकरे’ असे त्यांच्या नातवाचे नाव आहे. आता राज ठाकरेंचा नातू किआन ठाकरेचे काही गोड फोटो व्हायरल होताना दिसत आहेत. नुकतंच छत्रपती शिवाजी महाराज पार्क, दादर या ठिकाणी मनसेच्या वतीने सेल्फी पॉईंटचे उद्धाटन करण्यात आले. या उद्धाटन सोहळ्याला राज ठाकरेंनी सहकुटुंब हजेरी लावली. त्यावेळी राज ठाकरे हे त्यांच्या नातवाला कडेवर घेऊन पाहायला मिळाले. यावेळी किआननेही या सेल्फी पॉईंटचा आनंद लुटला. या फोटोमध्ये आजोबा राज ठाकरे आनंदात पाहायला मिळत आहेत. यावेळी उपस्थित असलेल्या मनसेच्या अनेक पदाधिकाऱ्यांनी राज ठाकरेंच्या नातवाबरोबर सेल्फीही काढला. या फोटोत आजी, आजोबा आणि नातवाचे गोड बॉन्डिंगही पाहायला मिळाले. मनसेने निर्माण केलेल्या सेल्फी पॉईंटला अनेकांनी उत्तम प्रतिसाद दिला. (सर्व फोटो मनसे अधिकृत/फेसबुक पेज)