“शरद पवार आणि तुमचं नेमकं नातं काय?” रोहित पवार उत्तर देत म्हणाले…

राष्ट्रवादी काँग्रेस पक्षाचे आमदार रोहित पवार सध्या चर्चेत आहेत. कर्जत-जामखेड मतदारसंघाचे नेतृत्व करणारे रोहित पवार सोशल मीडियावर प्रचंड सक्रिय असल्याचं पाहायला मिळतं. राष्ट्रवादीचे युवा नेतृत्व अशी रोहित पवारांची ओळख आहे. रोहित पवारांनी नुकतीच ‘मराठी किडा’ या युट्यूब चॅनेलला मुलाखत दिली. वैयक्तिक व राजकीय प्रश्नही रोहित पवारांना विचारण्यात आले. या मुलाखतीत विचारलेल्या सगळ्या प्रश्नांना त्यांनी अगदी दिलखुलासपणे उत्तरे दिली. "शरद पवारांबरोबर तुमचं नेमकं नातं काय?" असा प्रश्नही रोहित पवारांना मुलाखतीत विचारला गेला. यावर उत्तर देत रोहित पवरांनी राष्ट्रवादी काँग्रेसचे अध्यक्ष शरद पवार यांच्याशी असलेलं नातं स्पष्ट केलं. रोहित पवार म्हणाले, "शरद पवार यांचे मोठे बंधू अप्पासाहेब पवार यांचा मी नातू आहे." शरद पवार यांचे मोठे भाऊ अप्पासाहेब पवार यांना राजेंद्र व रणजीत ही दोन मुले आहेत. त्यापैकी राजेंद्र पवार यांचे रोहित पवार हे पुत्र आहेत. रोहित पवार यांनी कुंती पवार यांच्याशी विवाह केला. त्यांना दोन मुले आहेत. (सर्व फोटो : रोहित पवार/ इन्स्टाग्राम) (हेही वाचा>> सचिन तेंडुलकरच्या लेकीचं हटके फोटोशूट, साराच्या फोटोवर नेटकऱ्यांच्या कमेंट्स, म्हणाले “या हॉटेलमध्ये शुबमन…”)