एकेकाळचा चांगला मित्र कसा झाला जीवाचा वैरी? पुण्यात विद्यार्थिनीवर झालेल्या हल्ल्याबाबत पोलिसांनी सांगितला घटनाक्रम

पुण्यातील सदाशिव पेठ परिसरात मंगळवारी एका १९ वर्षीय विद्यार्थिनीवर जीवघेणा हल्ला करण्यात आला आहे. पीडितेच्याच एका पूर्व मित्राने कोयत्याने हा हल्ला केला. घटनास्थळी उपस्थित असलेल्या काही तरुणांमुळे पीडित मुलीचा जीव वाचला आहे. पीडितेवर प्राथमिक उपचार करून तिला डिस्चार्ज देण्यात आला आहे. पोलिसांनी हल्लेखोराला अटक करून विविध कलमांतर्गत गुन्हा दाखल केला आहे. शंतनु लक्ष्मण जाधव (वय २२) असं आरोपीचं नाव असून तो मुळशी तालुक्यातील डोंगरगाव येथील रहिवाशी आहे. पुण्याचे झोन-१ चे डीसीपी संदीप सिंग गिल या हल्ल्याबाबतचा संपूर्ण घटनाक्रम सांगितला आहे. पीडित विद्यार्थिनी आणि आरोपी तरुण दोघंही एकाच महाविद्यालयात शिक्षण घेत होते- पोलीस अधिकारी गिल दोघांमध्ये चांगली मैत्री होती, पण कालांतराने त्यांच्यात काही मतभेद झाले-पोलीस अधिकारी गिल दोघांमधील मैत्री पुढेही कायम ठेवण्याची मागणी आरोपीनं पीडित मुलीकडे केली. पण मुलीने आरोपीच्या मागणीला नकार दिला. यामुळे आरोपीला पीडितेचा राग आला-पोलीस अधिकारी गिल दरम्यानच्या काळात पीडित मुलगी पुण्याला राहायला आली आणि ती 'इंटेरिअर डिझाइन'चा कोर्स करू लागली-पोलीस अधिकारी गिल त्यानंतर आरोपीही पुण्यात आला आणि त्याने तिचा पाठलाग सुरू केल- पोलीस अधिकारी गिल त्याने तिच्याशी बोलण्याचा प्रयत्न केला. पण पीडितेनं आरोपीशी बोलण्यास नकार दिला - पोलीस अधिकारी गिल याच रागातून आरोपीनं तिच्यावर कोयत्याने जीवघेणा हल्ला केला- पोलीस अधिकारी गिल आर्म अॅक्टसह आयपीसीच्या कलम ३०७ अन्वये गुन्हा नोंदवला आहे. आरोपीला अटक करण्यात आली आहे-पोलीस अधिकारी गिल

पुण्यात एका १९ वर्षीय विद्यार्थिनीवर जीवघेणा हल्ला करण्यात आला आहे.