शरीराच्या प्रत्येक अवयवावर रामाचे नाव गोंदवतो हा समुदाय; बंड पुकारून सुरु झाली अनोखी परंपरा वाचून व्हाल थक्क

अयोध्येत २२ जानेवारी २०२४ ला होणारा राम मंदिर प्राण प्रतिष्ठा कार्यक्रमाचा उत्साह देशभरात पाहायला मिळत आहे. बहुचर्चित राम मंदिराची रचना ते प्रभू श्रीरामाची मूर्ती याविषयी सर्वांनाच कुतूहल आहे भगवान श्रीरामाचे भक्त जगभरात आहेत. पण आज आम्ही अशा एका अनोख्या समुदायाविषयी सांगणार आहोत ज्यांची रामभक्ती जगावेगळी आहे. छत्तीसगडच्या रामनामी समुदायाची ख्याती जगभरात आहे आऊटलूक इंडियाच्या अहवालानुसार, या समुदायाच्या लोकांनी आपल्या संपूर्ण शरीरावर रामाचे नाव गोंदवले आहे. ज्या व्यक्ती आपल्या माथ्यावर रामाचे नाम गोंदवले आहे त्यांना सर्वांगी रामनाम म्हटले जाते तर संपूर्ण शरीरावर रामाचे नाव गोंदवणाऱ्या व्यक्तीस 'नखशिख' म्हटले जाते. रामनामी समुदायातील लोकांचा पोशाख संपूर्ण शरीरावर रामाचे नाव, राम नावाची शाल, मोरपंखाची पगडी ते घुंगरू असा असतो रामनामी सांप्रदायात 'राम' हे नाव संस्कृतीचा अविभाज्य भाग आहे, मात्र ही मंडळी कधी कोणत्या मंदिरात जात नाहीत किंवा कधी कोणत्या मूर्तीची पूजा करत नाहीत या समुदायातील लोक आपल्या मनुष्यरुपी शरीरालाच मंदिर मानतात. एकमेकांना अभिवादन करताना सुद्धा ते रामाचेच नाव घेतात शरीरावर रामाचे नाव गोंदवून मंदिराचा त्याग करण्यामागे एक बंडाची कहाणी आहे. असं म्हणतात, या समुदायातील लोकांनी काही उच्चवर्णीयांकडून यापूर्वी मंदिरात प्रवेश नाकारला गेला होता. याचा विरोध म्हणून तत्कालीन लोकांनी प्रभू रामाचे नाव पूर्ण शरीरावर गोंदवून निषेध केला. या समाजाची स्थापना छत्तीसगड राज्यातील जांजगीर-चांपा येथील चारपारा या छोट्या गावी झाली होती असं म्हणतात १८९० साली परशुराम नामक एका युवकाने समाजाचा पाया रोवला होता. यास विरोध झाला होता त्यानंतर १९१२ मध्ये परशुराम व त्याच्या अनुयायांनी ब्रिटिश कोर्टात अपील केले होते जिल्हा न्यायाधीशांनी परशुरामाच्या व अनुयायांच्या बाजूने निकाल देत असे सांगितले होते की, 'राम' हे नाव कोणत्या समूहाची संपत्ती नाही त्यावर साऱ्यांचा अधिकार आहे. त्यानंतर शरीरावर रामाचे नाव गोंदवण्याचे प्रमाण वाढले. रामनामाचा वारसा पुढच्या पिढीतही जपण्यासाठी या समुदायातील बाळ जेव्हा २ वर्षाचे होते तेव्हा त्यांच्या छातीवर राम नाव गोंदवले जाते.(सर्व फोटो: @ramnamicommunity/instagram)