कुलपाच्या खालच्या बाजूला लहान छिद्र का असते माहितीये का? कारण जाणून व्हाल थक्क

कुलूप अशी निर्जिव वस्तू आहे की, ती एखाद्या कुटुंबातील सदस्याप्रमाणे घराची राखण करते. कुलूप घराचे असो किंवा दुकानाचे असो. कुलूप नसते तर काय झाले असते, याची कल्पनाच करता येत नाही. पण तुम्ही कधी घरातील कुलपाकडे बारकाईने पाहिलं आहे का? टाळ्याची चावी लावता त्या बाजूला एक छोटं छिद्र दिसतं. पण हे छिद्र कुलपाला असण्यामागचं नेमकं कारण काय? यामागचे कारण आज आम्ही तुम्हाला सांगणार आहोत. ज्याप्रमाणे कुलूप आपल्या घराचे रक्षण करते त्याचप्रमाणे लॉकवर असलेले हे लहान छिद्र कुलपाच्या सुरक्षिततेसाठी काम करते. कुलूप दरवाज्याला बाहेर लावलं जातं. त्यामुळे पावसात त्यात पाणी जाऊन आतून गंजण्याची शक्यता असते. पण कुलपावर असलेले हे छिद्र लॉकला गंजण्यापासून वाचवते आणि तुमचे कुलूप वर्षानुवर्षे टिकते. जेव्हा कधी पावसाळ्यात कुलपामध्ये पाणी शिरते, तेव्हा ते पाणी कुलपाच्या खाली दिलेल्या छोट्या छिद्रातून बाहेर येते. यामुळे लॉकच्या आत गंज धरत नाही. त्यामुळे ही समस्या जाणवू नये, यासाठी कुलपाच्या खाली एक छोटं छिद्र असतं. दुसरीकडे कुलूप ऑयलिंग करण्यासाठी या छिद्राचा उपयोग होतो. त्यामुळे लॉक आणि चावी व्यवस्थित काम करतात. (फोटो सौजन्य : freepik)