बाबो! तीन महिने अंधारात असणाऱ्या गावात गावकऱ्यांनी अशाप्रकारे पोहोचवला प्रकाश, पाहा PHOTOS

पृथ्वीचे काही भाग असे आहेत जिथे अनेक महिने सूर्यप्रकाश पोहोचत नाही. सूर्य मानवासाठी खूप महत्वाचा आहे. अशा ठिकाणी जिथे अनेक दिवस सूर्यप्रकाश पोहोचत नाही, तिथे लोकांना अनेक समस्यांना तोंड द्यावे लागते. विग्नेला हे असेच एक गाव आहे जिथे सूर्य उगवतो पण सूर्यप्रकाश तिथे पोहोचत नाही. वास्तविक हे गाव चारही बाजूंनी डोंगरांनी वेढलेले आहे, त्यामुळे सूर्यप्रकाश गावात पोहोचत नाही. विग्नेला हे स्वित्झर्लंड आणि इटली दरम्यान वसलेले गाव आहे. नोव्हेंबर ते फेब्रुवारी या कालावधीत सूर्यप्रकाश हळू हळू कमी होतो, यामुळे काही दिवसांनी गावातून प्रकाश दिसेनासा होतो. सूर्यप्रकाशाचा अभाव ही या गावासाठी मोठी समस्या होती. या समस्येपासून सुटका मिळवण्यासाठी या गावातील लोकांनी एक अप्रतिम कल्पना सुचली आणि स्वतःचा कृत्रिम सूर्य बनवला. गावातील एका वास्तुविशारद आणि अभियंत्याने ही समस्या सोडवण्याचा मार्ग शोधून काढला जेणेकरून गावाला सूर्यप्रकाश मिळू शकेल. २००६ मध्ये त्यांनी गावच्या महापौरांच्या मदतीने १ लाख युरो (भारतीय चलनात 89 लाख रुपये) उभे केले. या पैशाच्या मदतीने त्यांनी ४० चौरस किलोमीटर काच खरेदी केली आणि ती डोंगराच्या माथ्यावर बसवली. हा १.१ टनाचा आरसा डोंगरावर ११०० मीटर उंचीवर बसवण्यात आला आहे जेणेकरून सूर्यप्रकाश थेट त्यावर पडून गावाकडे परावर्तित होईल. मात्र, हा आरसा संपूर्ण गावाला प्रकाशमान करण्याइतका मोठा नव्हता, त्यामुळे त्याचा कोन अशा प्रकारे सेट करण्यात आला होता की तो गावातील चर्चसमोरील चौकाला प्रकाश देईल. हा आरसा संगणकाद्वारे चालवला जातो, जो दिवसभर सूर्याच्या हालचालींचे अनुसरण करतो आणि त्याच्या दिशेने फिरत राहतो. हा आरसा दिवसातील ६ तास सूर्यप्रकाश परावर्तित करतो, ज्यामुळे गावाचा काही भाग प्रकाशित होतो. (All Photo Source: @ptrckthmpsn/instagram)