Photos: तुम्ही कधी ‘हेलिकॉप्टर माशा’विषयी ऐकलंय का? प्रमाण वाढल्याने होतोय उपद्रव!

Helicopter Fish Fisherman Problem: सोलापूर जिल्ह्याला पाणीपुरवठा करणारे उजनी धरण हे काठोकाठ भरले आहे. या धरणाची एकूण पाणीसाठवण क्षमता ११७ टीएमसी आहे. सध्या या धरणात हेलिकॉप्टर माशांचा उपद्रव वेगाने वाढत आहे. या माशाची रचना काहीशी हेलिकॉप्टरसारखी दिसत असल्यामुळे त्याला 'हेलिकॉप्टर मासा' असे नाव मिळाले आहे. या हेलिकॉप्टर माशांमुळे सोलापूर जिल्ह्यातील मच्छीमारांना खूप त्रास होत आहे. शोभेचा मासा म्हणून घरी पाळले जाणारे हे मासे कालांतराने पाण्यात सोडले जातात. हे मासे गोड्या पाण्यात सहजपणे वाढतात आणि मोठ्या प्रमाणात पसरतात. हा मासा खाण्यास विषारी असतो आणि बाजारात त्याला फारशी मागणी नसते. मासळीखत बनवण्यासाठी काही प्रमाणात त्याचा वापर केला जातो. हेलिकॉप्टर माशांच्या शरीरावरील काटेरी शल्कांमुळे हे मासे जाळ्यात अडकतात आणि जाळ्यांचे नुकसानही मोठ्या प्रमाणात होते. हेलिकॉप्टर माशांच्या वाढीमुळे जाळ्यात अडकून जाळी फाटत असल्याच्या तक्रारी उजनीतील अनेक मच्छीमारांनी केल्या आहेत.