Laxmi Pujan 2025: लक्ष्मीपूजन करताना ‘या’ गोष्टी टाळा; लाभेल सुख-समृद्धी, जाणून घ्या पुजा कशी करावी

Diwali 2025: तेजाचे प्रतीक म्हणून ओळखल्या जाणाऱ्या दीपोत्सवातील सर्वात महत्त्वाचा दिवस म्हणजे लक्ष्मीपूजन. (सर्व फोटो सौजन्य : Pexels) लक्ष्मीपूजन (Laxmi Pujan) करण्याआधी संपूर्ण घर स्वच्छ करावे. दाराबाहेर रांगोळी काढावी आणि दिवे लावावे. लक्ष्मीपूजन करण्यासाठी सुरूवातीला चौरंग घ्यावा. चौरंगावर लाल कापड टाकावा. त्यावर तांदूळ टाकून एक कलश ठेवावा. त्या कलशावर एक प्लेट ठेवून त्या प्लेटवर लक्ष्मीची मूर्ती ठेवावी व त्या मूर्तीची पूजा करावी. तसेच लक्ष्मीचा फोटो ठेवावा व विडा ठेवावा. त्या विड्यावर नारळ ठेवावे. लक्ष्मी देवीसमोर सोने, चांदीची नाणी किंवा साधी नाणी, तसेच व्यापार संबंधित पुस्तके किंवा नवीन डायरी ठेवावी. सुरूवातीला गणपतीची पूजा करावी नंतर लक्ष्मीची पूजा करावी. शेवटी मनोभावे आरती करावी. लक्ष्मीपूजन करण्याआधी घरातील सर्व दरवाजे, खिडक्या आणि लाईट चालू ठेवावेत. घरात अंधार ठेवू नका. लक्ष्मीपूजन करण्याआधी पूजेच्या जागेसह संपूर्ण घर स्वच्छ ठेवावे. लक्ष्मीपूजन सुरू असताना कोणाबरोबरच पैशांचे व्यवहार करू नका. पूजा करताना किंवा संपूर्ण दिवसात कोणाशीही भांडू नये किंवा वादविवाद करू नये. लक्ष्मीपूजनाच्या दिवशी मांसाहार किंवा मद्यपान करणे कटाक्षाने टाळा. Disclaimer- वरील माहिती केवळ श्रद्धा आणि ज्योतिषशास्त्रानुसार मिळालेल्या माहितीच्या आधारे देण्यात आली आहे. लोकसत्ता कोणत्याही माहितीचे समर्थन करत नाही. (हेही पाहा : दिवाळीच्या पहिल्या दिवशी उटणं लावून का करतात अभ्यंगस्नान? फायदे वाचून थक्क व्हाल)