Photos : राजेशाही सौंदर्य! रिलायन्स दिवाळी पार्टीत राधिका मर्चंटचा सुंदर लूक; पोल्की दागिन्यांनी वेधले लक्ष

रिलायन्स समूहाच्या दिवाळी पार्टीत राधिका मर्चंटने तिचा अत्यंत आकर्षक आणि राजेशाही लूक सादर केला. राधिकाने परिधान केलेला गुलाबी आणि सोनेरी रंगाचा हा सुंदर पोशाख प्रसिद्ध डिझायनर अबू जानी संदीप खोसला यांनी खास तिच्यासाठी तयार केला होता. हा पोशाख 'अंगरखा' स्टाईलचा अनारकली कुर्ता आणि पलाझो पँट (Palazzo Pant) यांचा समावेश असलेला सेट होता, ज्यामुळे तिला एक खास पारंपरिक लूक मिळाला. कुर्त्यावर सोनेरी रंगाचे जरदोसी (Zardozi), गोटा वर्क (Gota Work) व चमकदार टेसल्सची (Tassels) भरजरी नक्षी होती, ज्यामुळे तिचा लूक शाही वाटत होता. पारंपरिक वेशभूषेत आधुनिकता आणण्यासाठी या फुल-स्लीव्ह्ज (Full-Sleeves) कुर्त्याला मागच्या बाजूला डीप बॅकलेस (Deep Backless) डिझाईन देण्यात आली होती. तिने पोल्की (Polki) आणि हिऱ्यांनी (Diamond) जडलेले मोठे झुमके (Jhumkas) परिधान केले होते, ज्याला इअरचेन (Ear Chain) जोडलेली होती. तसेच एक मोठी हिऱ्याची अंगठीही तिच्या हातात शोभून दिसत होती. राधिकाने केसांमध्ये मध्यभागी भांग पाडून स्लीक बन (Sleek Bun) घातला होता, ज्याला शुभ्र फुलांच्या गजऱ्याने (Gajra) सजवले होते. राधिका मर्चंटचा हा दिवाळी लूक सोशल मीडियावर व फॅशन समीक्षकांमध्ये खूप चर्चेत आहे आणि तिचे प्रचंड कौतुक होत आहे. (सर्व फोटो सौजन्य : abujanisandeepkhosla/इन्स्टाग्राम)