सार्वजनिक गणेशोत्सव मंडळातील आर्थिक व्यवहारातून अध्यक्षास मारहाण करण्यात आल्याची घटना रविवार पेठेत घडली. या प्रकरणी फरासखाना पोलिसांनी दोघांना अटक केली. शैलेश बढाई (वय ३८, रा. रविवार पेठ) असे जखमी झालेल्याचे नाव आहे. या प्रकरणी कमलेश बालाजी बढाई (वय ३५, रा. अर्चना काॅम्प्लेक्स, धायरी), दिनेश बालाजी बढाई (वय ३८, रा. निवृत्तीनगर, वडगाव बुद्रुक) यांना अटक करण्यात आली.
हेही वाचा >>>पुणे जिल्ह्यातील शाळांमध्ये भूजल सप्ताहाचे आयोजन
शैलेश बढाई यांनी याबाबत फरासखाना पोलीस ठाण्यात फिर्याद दिली आहे. रविवार पेठेतील बढाई समाज ट्रस्टचे शैलेश बढाई अध्यक्ष आहेत.मंडळातील आर्थिक व्यवहारातील वादातून आरोपी कमलेश आणि दिनेश यांनी शैलेश यांना लाथबुक्क्यांनी बेदम मारहाण केली. त्यांचा गळा दाबून जीवे मारण्याची धमकी दिली. खुनाचा प्रयत्न केल्या प्रकरणी दोघांना अटक करण्यात आली असून पोलीस उपनिरीक्षक अमोल काळे तपास करत आहेत.