पुणे :रुग्णांच्या आपत्कालीन सेवेसाठी डॉक्टरांचा पुढाकार! पुण्यातील खासगी रुग्णालयांनी उचललं पाऊल

हेही वाचा >>> कोविडच्या संशोधनाची दारे संशोधकांसाठी खुली! पुणे नॉलेज क्लस्टरचा कोविड वैद्यकीय विदासंच; दोन हजार रुग्णांचा समावेश

अशा रुग्णांना वेळीच उपचार मिळणे आवश्यक असते. वेळेत उपचार मिळाल्यास रुग्णाचा मृत्यू टाळता येतो. या पार्श्वभूमीवर आपत्कालीन वैद्यकीय सेवेतील सुधारणेबाबत पुण्यातील डॉक्टरांची नुकतीच एक बैठक झाली. ज्युपिटर हॉस्पिटलमधील डॉ. रवी प्रताप यांनी बैठकीचे सूत्रसंचालन केले. या वेळी भारती विद्यापीठातील डॉ. श्वेता त्यागी, महाराष्ट्र आपत्कालीन वैद्यकीय सेवेचे डॉ. ज्ञानेश्वर शेळके, दीनानाथ मंगेशकर रुग्णालयातील डॉ. प्रसाद राजहंस यांच्यासह केईएम रुग्णालय, डी. वाय. पाटील मेडिकल कॉलेज हॉस्पिटल यांच्या आपत्कालीन वैद्यकीय सेवा विभागाचे प्रमुख उपस्थित होते.

हेही वाचा >>> पुणे : अवयवदानामुळे दोघांना जीवदान! महिनाभरात दोन यकृत प्रत्यारोपण शस्त्रक्रिया यशस्वी

पाश्चिमात्य देशांमध्ये पाच दशकांहून अधिक काळ आपत्कालीन वैद्यकीय सेवा विभाग आहे. भारतात मात्र २००९ पासून त्याची सुरुवात झाली. देशात या सेवेची गरज दिवसेंदिवस वाढत आहे. बैठकीत आपत्कालीन वैद्यकीय सेवेतील, तसेच इतर आव्हानांवर चर्चा करण्यात आली. या आव्हानांवर मात करण्यासाठी उपाययोजनाही सुचविण्यात आल्या. सध्याच्या आपत्कालीन वैद्यकीय सेवेत नवीन गोष्टींचा अंतर्भाव करण्यावरही चर्चा झाली.

आपत्कालीन वैद्यकीय सेवा दिन जगभर साजरा केला जातो. या सेवेमुळे रुग्णांना अतिशय गंभीर स्थितीत वेळीच उपचार मिळण्यास मदत होते. प्रत्येक रुग्णाला वेळेत आणि योग्य उपचार मिळावेत, हा आमचा उद्देश आहे. – डॉ. राजेंद्र पाटणकर, मुख्य कार्यकारी अधिकारी, ज्युपिटर हॉस्पिटल