पुणे : अल्पवयीन मुलीला आमिष दाखवून बलात्कार ; एका विरोधात पोस्को अंतर्गत गुन्हा

याबाबत अल्पवयीन मुलीच्या आईने दत्तवाडी पोलीस ठाण्यात फिर्याद दिली आहे.

delhi crime minor rape
प्रातिनिधीक फोटो

अल्पवयीन मुलीला आमिष दाखवून तिच्यावर बलात्कार केल्या प्रकरणी एकाविरोधात दत्तवाडी पोलिसांनी गुन्हा दाखल केला.या प्रकरणी ओंकार विनोद आल्हाट (रा. दांडेकर पूल, सिंहगड रस्ता) याच्या विरोधात गुन्हा दाखल करण्यात आला आहे. याबाबत अल्पवयीन मुलीच्या आईने दत्तवाडी पोलीस ठाण्यात फिर्याद दिली आहे.

तक्रारदार महिलेच्या १६ वर्षीय मुलीला आल्हाटने जाळ्यात ओढले. तिला फूस लावून पळवून नेले. अल्पवयीन मुलगी गर्भवती राहिली. ही बाब पीडीत मुलीच्या आईच्या लक्षात आल्यानंतर तिने पोलिसांकडे तक्रार दिली.

आरोपी आल्हाट विरोधात अपहरण, बलात्कार तसेच बाल लैंगिक अत्याचार प्रतिबंध (पोस्को) कायद्यानुसार गुन्हा दाखल करण्यात आला असून सहायक पोलीस निरीक्षक जाधव तपास करत आहेत.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rape minor girl showing lure offense under posco against pune print news amy

Next Story
पुणे : जमीन बळाकावण्याचा प्रयत्न ; शिवसेनेचे नगरसेवक बाळा ओसवाल यांच्यासह चौघांवर गुन्हा
ताज्या बातम्या
फोटो गॅलरी