भाईंदर: खेळताना हृदयविकाराचा झटका आल्याने खेळाडूचा मृत्यू

भाईंदर: भाईंदरमध्ये फुटबॉल खेळत असताना हृदयविकाराचा झटका आल्याने एका खेळाडूचा मृत्यू झाला आहे. गुरुवारी सकाळी ही घटना घडकी. तपन बिस्वास( ४६)असे या मयत खेळाडूचे नाव आहे

फुटबॉलची आवड असल्यामुळे तपन एका फॉटबॉल क्लब मध्ये जोडलेला होता. गुरुवारी सकाळी साडे सातच्या सुमारास भाईंदर पश्चिम येथील सुभाष चंद्र बोस मैदानात फुटबॉल खेळत असताना त्याला अचानक थकवा जाणवू लागला. त्यामुळे छातीत आणि पायात दुखत असल्याचे सांगत तो मैदानाबाहेर जाऊन बसला. काही वेळ बसल्यानंतर अचानक बेशुद्ध होऊन जमिनीवर कोसळला.

आणखी वाचा-कल्याण-डोंबिवलीत तीन विद्यार्थ्यांना बेदम मारहाण

इतर खेळाडूंनी हे पाहताच त्याला तात्काळ जवळील खासगी रुग्णालयात दाखल करण्यात आले. परंतु रुग्णालयातील डॉक्टरांनी तपासणीनंतर हृदयविकाराच्या झटक्याने त्याचा मृत्यू झाल्याचे सांगितले. मागील महिन्यात देखील वसईत ईनोसंट रिबेलो (२७) या तरुणाचा फुटबॉल खेळत असताना हृदयविकाराच्या झटक्याने मृत्यू झाला होता.