ठाणे – वागळे इस्टेट भागातील रघुनाथ नगर परिसरात झाड पडून तीन चारचाकी वाहनांचे नुकसान झाल्याची घटना घडली आहे. या घटनेत कोणतीही जीवित हानी झाली नसल्याची माहिती ठाणे महापालिका आपत्ती व्यवस्थापन विभागाकडून देण्यात आली.
रघुनाथ नगर परिसरातील रहेजा गार्डन जवळच्या लालबहादूर शास्त्री रस्त्यावर उभ्या असलेल्या तीन चारचाकी वाहनांवरती झाड पडले. या घटनेची माहिती लोकप्रतिनिधी नम्रता फाटक यांनी ठाणे महापालिका आपत्ती व्यवस्थापन विभागास दिली. माहिती मिळताच, घटनास्थळी ठाणे आपत्ती प्रतिसाद दलाचे जवान पिकअप वाहनासह दाखल झाले.
या घटनेत कोणालाही दुखापत झालेली नाही. वाहनांवरती पडलेले झाड ठाणे आपत्ती प्रतिसाद दलाचे जवान यांच्या मदतीने कापून बाजूला करण्यात आले आहे.