cute boy video: सोशल मीडियावर दररोज काहीतरी नवं पाहायला मिळतं. पण, लहान मुलांचे व्हिडीओ दिसले की आपण थांबून ते बघतोच, कारण त्या निरागस गोड चेहऱ्यात अशी एक जादू असते की कोणाचंही मन वितळतं. सध्या असाच एक छोटासा मुलगा इंटरनेटवर सगळ्यांचा लाडका ठरतो आहे. त्याचा एक व्हिडीओ सोशल मीडियावर जबरदस्त व्हायरल झाला आहे आणि लोक त्या मुलाच्या गोंडसपणाने अक्षरशः थक्क झाले आहेत. हा व्हिडीओ पाहिल्यानंतर प्रत्येक जण म्हणू लागला आहे, “इतका गोंडसपणा मुलांमध्ये येतो कुठून?”
हा व्हिडीओ इन्स्टाग्राम, फेसबुक आणि यूट्यूबवर तुफान व्हायरल झाला आहे. moms_beyond नावाच्या अकाउंटवरून हा व्हिडीओ पोस्ट करण्यात आला असून, त्याला सहा दिवसांत दीड लाखांहून अधिक views मिळाले आहेत. व्हिडीओमध्ये एक छोटा मुलगा आपल्या घराच्या दाराबाहेर उभा आहे आणि आपल्या आईला दार उघडण्याची विनंती करत आहे. बाहेर कडाक्याची थंडी आहे आणि तो थंडीने थरथरत “मम्मी दरवाजा उघड, बाहेर खूप थंडी आहे, मी तुला पपी देईन” असं म्हणतो.
व्हिडीओ सिक्युरिटी कॅमेऱ्यात रेकॉर्ड झाला आहे. दरवाजाबाहेर बर्फाचं दृश्य दिसतंय. मुलाच्या अंगावर जाड कपडे आहेत, पण तरीही त्याचा चेहरा लाल झालाय थंडीमुळे. त्या छोट्या गालांवरील लाली आणि त्याचे निरागस बोलणे लोकांना मोहित करते. सर्वात खास क्षण म्हणजे, जेव्हा तो वाक्य बोलून झाल्यावर हसतो – ते हास्य इतके गोड आहे की इंटरनेटवरील हजारो लोक त्याच्या प्रेमात पडले आहेत. अनेकांना वाटतंय की हा खरा व्हिडीओ नसून AI जनरेटेड असू शकतो, पण लोक म्हणतात, “खरे असो वा खोटे, हास्य खरे वाटते!”
पाहा व्हिडिओ
या व्हिडीओवर ५ हजारांपेक्षा जास्त लाइक आणि भरपूर प्रतिक्रिया आल्या आहेत. एका युजरने लिहिलंय, “इतकं क्यूट मूल मी आयुष्यात पाहिलं नाही.” दुसऱ्याने म्हटलं, “ह्या मुलाच्या आवाजात एक वेगळीच जादू आहे.” काहींनी तर मजेत लिहिलंय, “मम्मी, पटकन दार उघडा नाहीतर आम्हीच उघडतो!” काहींनी मात्र हा व्हिडिओ AI ने तयार केलेला असल्याचं सांगितलं, पण त्याने लोकांच्या उत्साहात फरक पडलेला नाही.
एकंदरीत हा छोटासा व्हिडीओ सध्या सोशल मीडियावर गोडवा पसरवत आहे. थंडीच्या पार्श्वभूमीवर लहान मुलाच्या निरागस विनंतीने सगळ्यांचं हृदय उबदार केलं आहे. इंटरनेटवरील हा “मम्मी दरवाजा उघड” क्षण आता सर्वांच्या चेहऱ्यावर हसू आणणारा ठरला आहे.