नवी मुंबईत पर्यावरणप्रिय हरित बांधकांना चालना; ‘सीआयआय-आयजीबीसी’च्या ३० व्या केंद्राचे कार्यान्वयन

हेही वाचा >>> थरमॅक्सच्या ‘सेरेस’शी भागीदारी; पर्यावरणपूरक हायड्रोजनची किफायतशीर निर्मिती देशात शक्य

नवी मुंबई महानगरपालिकेचे साहाय्यक संचालक (नगररचना), सोमनाथ केकाण यांच्या हस्ते झालेल्या या उद्घाटनप्रसंगी, पालिकेचे वरिष्ठ अधिकारी, सीआयआय-आयजीबीसीचे प्रमुख पदाधिकारी, तसेच नवी मुंबईतील प्रमुख बांधकाम व्यावसायिक, विकासक आणि वास्तुरचनाकार उपस्थित होते. ‘सीआयआय-आयजीबीसी’ ही भारतातील प्रमुख ग्रीन बिल्डिंग प्रमाणपत्र संस्था आणि संबंधित सेवांसाठी प्रसिद्ध आहे. नवी मुंबई अध्यायाचे अध्यक्ष म्हणून प्रसिद्ध वास्तुविशारद आणि हितेन सेठी अँड असोसिएट्सचे हितेन सेठी, तर सहअध्यक्ष म्हणून, अरिहंत सुपरस्ट्रक्चर्स लिमिटेडचे अध्यक्ष व व्यवस्थापकीय संचालक, अशोक छाजेर हे काम पाहतील.

हेही वाचा >>> ई-वाहनांची वार्षिक विक्री ३० ते ४० लाखांवर पोहोचण्याचा अंदाज

नवी मुंबईमध्ये १२० हून अधिक ग्रीन बिल्डिंग प्रकल्प असून, ज्यातून ६१० दशलक्ष चौरस फूट क्षेत्रफळ विकसित केले गेले आहे. निवासी क्षेत्रात नवी मुंबईत घरांची मागणी २०२५ पर्यंत २० टक्क्यांनी वाढेल अशी अपेक्षा आहे. येथील वेगवान शहरीकरणाला आणि त्याच्या वाणिज्यिक व निवासी स्थावर मालमत्ता विकासाला शाश्वत आणि पर्यावरणपूरक वळणावर ठेवण्यासाठी नवी मुंबईतील हा अध्याय प्रयत्नशील राहील.