Gold Price : डोनाल्ड ट्रम्प यांच्या भाषणामुळे सोने तेजीत, सोने खरेदीचा योग्य दर काय?

डोनाल्ड ट्रम्प यांच्या भाषणामुळे सोन्याला झळाली

एचडीएफसी सिक्युरिटीजचे कमोडिटी आणि करन्सी प्रमुख अनुज गुप्ता म्हणाले की, “दावोस येथील जागतिक आर्थिक मंचात अमेरिकेचे राष्ट्राध्यक्ष डोनाल्ड ट्रम्प यांनी केलेल्या भाषणामुळे सोन्याच्या किमतीत तेजी आली आहे.” गुप्ता पुढे म्हणाले की, “जानेवारीमध्ये आतापर्यंत एमसीएक्स गोल्ड फ्युचर्सच्या किमतीत ४.५% किंवा ३,४४८ रुपयांची वाढ झाली आहे.” शुक्रवारी सोन्याने ८३,००० रुपयांचा टप्पा ओलांडल्याच्या वृत्तालाही त्यांनी दुजोरा दला आहे.

सोने खरेदीचा योग्य दर काय?

दरम्यान गुप्ता यांनी सोने खरेदीबाबत आशावाद व्यक्त केल असून, सुमारे ७५,५००-७५,७०० रुपयांच्या किमतीत सोने खरेदी योग्य असल्याचे म्हटले आहे. त्यांनी या वर्षी धनत्रयोदशीपर्यंत ७१,५०० रुपयांचा स्टॉप लॉस ठेवला आहे तर टार्गेट प्राइज ८५,३००-८७,००० रुपये ठेवली आहे. याबाबत इकोनॉमिक टाइम्सने वृत्त दिले आहे.

यापूर्वी, पीटीआयने ऑल इंडिया सराफा असोसिएशनच्या हवाल्याने स्पॉट मार्केटमध्ये ९९.९ टक्के शुद्धतेचे सोने ८३,१०० रुपये प्रति १० ग्रॅमच्या पातळीवर पोहोचल्याचे वृत्त दिले होते.

अमेरिकन धोरणांचा परिणाम

“शुक्रवारी सोन्याच्या किमतीत वाढ झाली असून, स्थानिक बाजारपेठेतही स्पॉट गोल्डने नवीन उच्चांक गाठला आहे. सोन्यातील सध्याची तेजीची गती अमेरिकेच्या संभाव्य टॅरिफ योजना आणि राष्ट्राध्यक्ष डोनाल्ड ट्रम्प यांच्या इतर धोरणांबाबत असलेल्या अनिश्चिततेमुळे आहे, ज्यामुळे सुरक्षित गुंतवणूक म्हणून सोन्याच्या खरेदीमध्ये वाढ झाली आहे”, असे एचडीएफसी सिक्युरिटीजचे वरिष्ठ कमोडिटीज विश्लेषक सौमिल गांधी म्हणाले. याबाबत इकोनॉमिक टाइम्सने वृत्त दिले आहे.

डोनाल्ड ट्रम्प यांनी अमेरिकेचे अध्यक्षीय निवडणूक जिंकल्यापासून अनेक धोरणांमध्ये बदल करण्याचे इशारे दिले आहेत. त्यामुळे शेअर बाजारासह सोने बाजारावरही त्याचा परिणाम पाहायला मिळत आहे.