Gold Silver Rate Today : निवडणूक निकालापूर्वी सोने-चांदीचे दर गडगडले, नेमकं किती रुपयांनी झालं स्वस्त; वाचा तुमच्या शहरातील दर

आज ८ ऑक्टोबर रोजी देशात सोने- चांदीचे दर कालच्या तुलनेत काहीप्रमाण कमी झाल्याचे दिसून आले. दर घसरले असले तरी आता सोन्या-चांदीचे असलेले दर हे सर्वसामान्यांच्या आवाक्या बाहेरचे आहेत. आज देशात १० ग्रॅम २४ कॅरेट सोन्याचे दर ७५, ९८० रुपये आहे, तर १ किलो चांदीचा दर ९१,४७० रुपये आहे. एकूण आठवड्याभराचा विचार केल्यास, सोन्याचा दर ७५ ते ७६ हजार रुपयांवर दरम्यान वाढत आहे. तर चांदीचे दर ८२ हजार रुपयांवरुन थेट ९१ हजार रुपयांवर पोहोचले आहेत. त्यामुळे सोनं-चांदी खरेदी करणं आता सर्वसामान्य लोकांच्या आवाक्याबाहेर गेले आहेत.

बुलियन मार्केट या वेबसाइटनुसार, आज देशात २४ कॅरेट १० ग्रॅम सोन्याचे दर ७५,९८० रुपये आहे, तर २२ कॅरेटचे दर ६९, ६४८ रुपये आहे. याशिवाय १० ग्रॅम चांदीचे दर ९१५ रुपये आहे तर १ किलो चांदी ९१,४७० रुपयांनी विकली जात आहे.

आदल्या दिवशीचा म्हणजे ७ सप्टेंबर २०२४ रोजी १० ग्रॅम २४ कॅरेट सोन्याचा दर ७६, १३० रुपये होता, तर १ किलो चांदीचा दर ९२,४९० रुपये होता.यावरुन तुमच्या लक्षात येईल की,आज सोन्या-चांदीचे दर कमी झाले आहेत.

बुलियन मार्केट वेबसाईटनुसार जाणून घेऊया तुमच्या शहरांमधील सोन्या-चांदीचे दर

पाहा तुमच्या शहरातील सोन्याचा दर

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

२२ आणि २४ कॅरेटमध्ये काय फरक आहे?

सोनेखरेदी करताना सराफाकडून असे विचारले जाते की, तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे.जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.

२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.