हृतिक रोशनच्या पहिल्याच चित्रपटाची नोंद ‘गिनीज बुक ऑफ रेकॉर्ड’मध्ये का झाली होती? ‘हे’ आहे कारण…

‘कहो ना प्यार है’ ( Kaho Naa Pyaar Hai ) चित्रपट फक्त १० कोटींच्या बजेटमध्ये राकेश रोशन यांनी बनवला होता. मात्र, चित्रपटाची कथा, यातील गाणी, पदार्पण केलेले नवे कलाकार या सगळ्यांनी प्रेक्षकांच्या मनावर एक वेगळी जादू निर्माण केली आणि हा चित्रपट बॉक्स ऑफिसवर ब्लॉकबस्टर ठरला. ‘सॅकनिल्क’ने दिलेल्या वृत्तानुसार या चित्रपटाने जगभरात ७८.९३ कोटी कमावले होते. याशिवाय ‘कहो ना प्यार है’ सिनेमाचं नाव ‘गिनीज वर्ल्ड रेकॉर्ड’मध्ये देखील नोंदवण्यात आलं आहे.

हेही वाचा : तुमचं इन्स्टाग्राम अकाऊंट कोणी दुसरंच वापरतंय का? वेळीच सावध व्हा अन् ‘या’ Settings चेक करा, जाणून घ्या…

हृतिक रोशनला त्याच्या पहिल्याच चित्रपटासाठी फिल्मफेअर पुरस्कार मिळाला होता. एकाच चित्रपटासाठी सर्वोत्कृष्ट अभिनेता आणि सर्वोत्कृष्ट पदार्पणाचा पुरस्कार जिंकणारा हृतिक रोशन एकमेव अभिनेता ठरला. याशिवाय पहिल्याच चित्रपटात अभिनेत्याने डबल रोल साकारण्यासाठी बॉलीवूड सुपरस्टार सलमान खानकडून खास टिप्स घेतल्या होत्या. चित्रपटादरम्यान बॉडी बनवण्यासाठी हृतिकला फार मेहनत घ्यावी लागली. काही केल्या त्याला बॉडी बनवणं शक्य होत नव्हतं, शेवटी हृतिकने कंटाळून सलमान खानला कॉल केला होता. २००२ मध्ये या चित्रपटाची ‘गिनिज बुक ऑफ रेकॉर्ड’मध्ये नोंद करण्यात आली आहे.

हेही वाचा : रेल्वेमधले डायनॅमिक तिकीट दर म्हणजे काय? प्रवाशांच्या मागणीनुसार वाढत जातात तिकिटांच्या किंमती…

‘गिनिज बुक ऑफ रेकॉर्ड’मध्ये नोंद का झाली?

‘कहो ना प्यार है’ची ( Kaho Naa Pyaar Hai ) ‘गिनिज बुक ऑफ रेकॉर्ड’मध्ये नोंद होण्याचं मुख्य कारण म्हणजे या चित्रपटाने एकूण १० ते २० नव्हे तर तब्बल ९२ पुरस्कार जिंकले आहेत. यामुळेच याची नोंद २००२ मध्ये ‘गिनिज बुक ऑफ रेकॉर्ड’ करण्यात आली. याशिवाय या चित्रपटाचं नाव ‘लिम्का बुक ऑफ रेकॉर्ड’मध्ये देखील नोंदवण्यात आले आहे. यापूर्वी प्रदर्शित झालेल्या कोणत्याच चित्रपटाने एवढे पुरस्कार जिंकले नव्हते.

हेही वाचा : Sugar Monitoring Patch : कतरिना कैफच्या हातावरच्या पॅचची चर्चा! काय असतो शुगर मॉनिटरिंग पॅच?

दरम्यान, ‘कहो ना प्यार है’ ( Kaho Naa Pyaar Hai ) चित्रपटात हृतिक, अमीषा यांच्यासह अभिषेक शर्मा, अनुपम खेर, व्रजेश हीरजी या कलाकारांनी महत्त्वाच्या भूमिका साकारल्या आहेत.