उद्धव ठाकरेंपुढे मोठा पेच, भिवंडीतील पदाधिकारी रजीनामा देत बंडाच्या तयारीत, मविआतील धुसफूस चव्हाट्यावर?

शिवसेना (ठाकरे) उपजिल्हाप्रमुख इरफान भुरे म्हणाले, उद्धव ठाकरे यांनी रुपेश म्हात्रे यांना उमेदवारी देऊन निवडून आणावं, मतदारसंघात जाहीर सभा घ्यावी. मातोश्रीने सधी दिली नाही तर आपण सर्वांनी मिळून रुपेश म्हात्रे यांचा उमेदवारी अर्ज भरू व त्यांना निवडून आणू. नुसतं भाषण करून काही होणार नाही. उमेदवारांना संधी द्यायला हवी. नुसती भाषणं करून काही होत नाही, तसे केले तर पक्ष संपेल, पक्ष नेतृत्वानेच पक्ष कमकुवत करायला घेतला आहे असा त्याचा अर्थ होईल. म्हणून सर्वांनी एकदा मातोश्रीवर जाऊन आपली भूमिका मांडून सामूहिक राजीनामे देत आपली मागणी मांडावी. मागणी मान्य न झाल्यास रुपेश म्हात्रे यांनी अपक्ष म्हणून निवडणुकीत उतरावे. आम्ही त्यांच्या पाठीशी उभे असू.

हे ही वाचा >> Chhagan Bhujbal : समीर भुजबळ मविआच्या वाटेवर? ठाकरेंच्या तिकीटावर विधानसभा लढणार? छगन भुजबळ म्हणाले…

भिवंडीत सपा व शिवसेनेत (ठाकरे) धुसफूस?

“शिवसेना (ठाकरे) आमच्या मागणीकडे ठामपणे दुर्लक्ष करीत आहे हा शब्दप्रयोग जरी बरोबर असला तरी आमच्या मागणीकडे पक्षप्रमुख दुर्लक्ष करतात असा त्याचा अर्थ होत नाही. भिवंडी पूर्व विधानसभा मतदारसंघ शिवसेना (ठाकरे) पक्षाकडे यावा यासाठी आमचे युद्धपातळीवर प्रयत्न चालू आहेत. रुपेश म्हात्रे दुर्दैवाने २०१९ मध्ये काही मतांनी पराभूत झाले म्हणून ही जागा समाजवादी पक्षाच्या वाट्याला गेली. मागील पराभवामुळे यावेळी देखील ही जागा समाजवादी पार्टीकडे जात असेल तर ते चुकीचे आहे. समाजवादी पक्षाने परस्पर पाच उमेदवारांच्या नावांची घोषणा केली आहे. त्यामुळे त्यांचा महाविकास आघाडीशी संबंध नाही. अशा परिस्थितीत रुपेश म्हात्रे यांची भिवंडी पूर्व विधानसभा मतदारसंघातून उमेदवारी जाहीर होईल”, असा विश्वास जिल्हाप्रमुख विश्वास थळे यांनी यावेळी व्यक्त केला.