Mumbai Indians buy five players including Shabnim Ismail : महिला प्रीमियर लीग २०२४ साठी मुंबईत लिलाव आयोजित करण्यात आला होता. मुंबई संघाने लिलावापूर्वी ५ जुन्या खेळाडूंना करारमुक्त केले होते. आता डब्ल्यूपीएल २०२४ हंगामासाठी लिलावात ५ नवीन खेळाडू खरेदी केले आहेत. त्यामुळे या संघातील खेळाडूंची संख्या आता १८ सदस्यांपर्यंत वाढली आहे. या मोसमात मुंबईने दक्षिण आफ्रिकेची वेगवान गोलंदाज शबनिम इस्माईलला सर्वात महागात विकत घेतले. त्याचबरोबर चार अनकॅप्ड खेळाडूला खरेदी केले.
मुंबई संघाने २०२३ च्या मोसमासाठी १८ खेळाडूंचाही आपल्या संघात समावेश केला होता. यावेळीही त्यांच्या संघात तेवढ्याच खेळाडूंचा समावेश आहे. या मोसमात मुंबईने दक्षिण आफ्रिकेची वेगवान गोलंदाज शबनिम इस्माईलला सर्वात महागात विकत घेतले. गेल्या हंगामातील चॅम्पियन संघाने या लिलावात अनकॅप्ड खेळाडूंवर अधिक लक्ष केंद्रित केले. त्यांनी पाच पैकी चार अनकॅप्ड खेळाडूंना खरेदी केले. मुंबईच्या पर्समध्ये आता ४५ लाख रुपये शिल्लक आहेत.
मुंबई इंडियन्सने ५ खेळाडूंना खरेदी केले –
मुंबईचा संघ जेव्हा या लिलावात उतरला, तेव्हा त्यांच्या पर्समध्ये २.१ कोटी रुपये होते. त्यांनी अतिशय काटेकोरपणे खेळाडूंची निवड केली आणि ५ खेळाडूंचा आपल्या संघात समावेश केला. या संघाने ३५ वर्षीय दक्षिण आफ्रिकेची वेगवान गोलंदाज शबनीम इस्माईलला सर्वात महागड्या किमतीत खरेदी केले. मुंबई संघाने तिला खरेदी करण्यासाठी एक कोटी २० लाख रुपये खर्च केले. त्याचबरोबर मुंबईने संजीवन संजनाला १५ लाख रुपयांना तर फातिमा जाफरला १० लाख रुपयांना विकत घेतले. याशिवाय मुंबई संघाने अमनदीप कौर आणि कृतिना बालकृष्णन यांना १० लाख रुपयांच्या मूळ किमतीत खरेदी केले.
हेही वााचा – WPL 2024 Auction : ॲनाबेल सदरलँडसाठी दिल्ली कॅपिटल्सने खिसा रिकामा केला, अष्टपैलू खेळाडूसाठी मोजले ‘इतके’ कोटी
यंदाच्या हंगामात मुंबई इंडियन्सने खरेदी केलेले खेळाडू –
शबनिम इस्माईल – एक कोटी २० लाख
संजीवन संजना- १५ लाख
फातिमा जाफर- १० लाख
अमनदीप कौर- १० लाख
कृतिना बालकृष्णन- १० लाख
डब्ल्यूपीएल २०२४ च्या हंगामासाठी मुंबई संघातील परदेशी खेळाडू –
हेली मॅथ्यूज
अमेलिया केर
चोले ट्रायॉन
शबनिम इस्माईल
निव्वळ सायबर
इसाबेल वँग
हेही वाचा – WPL 2024 Auction : काशवी गौतम ठरली सर्वात महागडी अनकॅप्ड खेळाडू, गुजरात जायंट्सने लावली करोडोंची बोली
मुंबई इंडियन्सचा १८ सदस्यीय संघ –
अमनजोत कौर, अमेलिया केर, क्लो ट्रायॉन, हरमनप्रीत कौर (कर्णधार), हेली मॅथ्यूज, हुमैरा काझी, इसाबेल वोंग, जिंतीमनी कलिता, नताली सायव्हर, पूजा वस्त्राकर, प्रियांका बाला, सायका इशाक, यास्तिका भाटिया, शबनीम इस्माईल, अमनदीप कौर, संजीवन संजना, फातिमा जाफर, कृतिना बालकृष्णन.