scorecardresearch

Premium

WPL 2024 Auction : काशवी गौतम ठरली सर्वात महागडी अनकॅप्ड खेळाडू, गुजरात जायंट्सने लावली करोडोंची बोली

WPL 2024 Auction Updates : चंदीगडची काशवी गौतम इमर्जिंग आशिया कपमध्ये अंडर-१९ संघासोबत खेळली होती. याशिवाय ती भारत अ संघासाठी सुद्धा खेळली आहे.

WPL 2024 auction Updates in marathi
काशवी गौतमला २ कोटींची बोली (फोटो-संग्रहित छायाचित्र जनसत्ता)

Kashvi Gautam bought by Gujarat Giants for WPL 2024 : २० वर्षांच्या काशवी गौतमसाठी शनिवार कायमचा संस्मरणीय ठरला. या युवा वेगवान अष्टपैलू खेळाडूला महिला प्रीमियर लीगच्या लिलावात विक्रमी दोन कोटी रुपयांना विकत घेण्यात आले. काशवी ही सर्वात महागडी अनकॅप्ड खेळाडू ठरली आहे. या लिलावात १ कोटी २० लाख रुपयांना विकत घेतलेल्या वृंदा दिनेशला तिने मागे टाकले.

काशवीची मूळ किंमत १० लाख रुपये ठेवण्यात आली होती. गुजरात जायंट्स आणि यूपी वॉरियर्स यांच्यात या खेळाडूला खरेदी करण्यासाठी बराच वेळ स्पर्धा लागली होती. यामुळेच काही मिनिटांतच काशवीची किंमत १० लाखांवरून दोन कोटींवर पोहोचली. गुजरात जायंट्सने २ कोटी रुपयांची बोली लावल्यानंतर, यूपी वॉरियर्सने माघार घेण्याचा निर्णय घेतला. त्यामुळे गुजरात जायंट्सने तिला आपल्या ताफ्यात सामील करुन घेतले.

unique match in varanasi batuk played cricket wearing dhoti kurta video of commentary in sanskrit
भगवे धोतर-कुर्ता अन् कपाळी टिळा… क्रिकेटच्या मैदानात रंगला अनोखा सामना, संस्कृतमध्ये सुरू होती कॉमेंट्री; पाहा VIDEO
loksatta analysis why india lost world cup final against australia
ऑस्ट्रेलिया ३ – भारत ०… विश्वचषक अंतिम सामन्यांमध्ये भारत ऑस्ट्रेलियासमोर का ढेपाळतो?
India vs Australia U19 World Cup Final Updates in Marathi
IND vs AUS U19 WC Final 2024: भारत वि. ऑस्ट्रेलियाचा अंतिम सामना कधी, कुठे पाहाल? कसा असेल संघ?
funny video of the umpire in the Australia vs South Africa women's
AUSW vs SAW : आऊट की नॉट आऊट? आंतरराष्ट्रीय सामन्यात महिला अंपायरचा उडाला गोंधळ, VIDEO व्हायरल

काशवी २०२० मध्ये प्रकाशझोतात आली. तिने अंडर-१९ वनडे ट्रॉफीमध्ये मोठा पराक्रम केली. चंदीगडची कर्णधार असताना काशवीने अरुणाचल प्रदेश संघाच्या सर्व १० विकेट घेतल्या. यामध्ये एका हॅट्ट्रिकचाही समावेश होता. वरिष्ठ महिला टी-२० ट्रॉफीमध्ये तिने ७ सामन्यात १२ विकेट्स घेतल्या होत्या. अलीकडे तिने भारत-अ संघाकडून खेळतानाही चांगली कामगिरी केली आहे.

हेही वाचा – WPL 2024 Auction : ॲनाबेल सदरलँडसाठी दिल्ली कॅपिटल्सने खिसा रिकामा केला, अष्टपैलू खेळाडूसाठी मोजले ‘इतके’ कोटी

कोण आहे काशवी गौतम?

काशवी गौतम ही भारताची उजव्या हाताची मध्यमगती गोलंदाज आहे. तिचा जन्म २००३ मध्ये चंदीगड, पंजाब येथे झाला. ती भारतीय राष्ट्रीय संघात स्थान मिळवू शकली नाही, परंतु तिने भारत अ संघात आणि त्याआधी महिला टी-२० चॅलेंजमध्ये केलेल्या कामगिरीने प्रसिद्धी मिळवली. अलीकडे, इंग्लंड अ विरुद्ध, तिने दोन सामन्यांत भारत अ संघासाठी सुमारे ७ च्या इकॉनॉमीने तीन बळी घेतले. आता ती आंतरराष्ट्रीय संघात नाही, पण डब्ल्यूपीएलच्या व्यासपीठामुळे तिला आंतरराष्ट्रीय स्तरावर आपली प्रतिभा दाखवण्याची संधी मिळेल.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kashvi gautam bought by gujarat giants in wpl 2024 auction with a bid of rs 2 crore vbm

First published on: 09-12-2023 at 17:37 IST

संबंधित बातम्या

तुम्ही या बातम्या वाचल्या आहेत का? ×