USA vs IND Highlights T20 World Cup 2024: सूर्या दादाच्या अर्धशतकासह भारताचा अमेरिेकवर विजय, भारताची सुपर८ मध्ये धडक

रोहित शर्माच्या नेतृत्वाखालील भारतीय संघाकडे अमेरिकेला पराभूत करत सुपर८ फेरीत प्रवेश करण्याची चांगली संधी आहे. मात्र, अमेरिकेला साधारण संघ समजण्याची चूक रोहित ब्रिगेड करणार नाही. भारताप्रमाणेच अमेरिकेनेही साखळी फेरीतील पहिल्या दोन सामन्यांमध्ये विजय मिळवला असून त्यांचा विजय रथ ही सुसाट आहे. क्रिकेटमधील मोठा अपसेट घडवत अमेरिकेने पाकिस्तानच्या संघाला धोबीपछाड देत मोठा विजय मिळवला. तर भारताने आयर्लंड आणि पाकिस्तानला पराभूत केले तर अमेरिकेने कॅनडा आणि पाकिस्तानविरुद्ध मोठे अपसेट खेचले. त्यामुळे भारताप्रमाणेच अमेरिकेलाही भारताला पराभूत करत सुपर८ गाठण्याची मोठी संधी आहे, पण ही गोष्ट नक्कीच अवघड आहे.

क्रिकेटच्या विश्वात महासत्ता असलेला भारतीय संघ आणि जागतिक पातळीवर महासत्ता असलेला अमेरिकेचा संघ आज क्रिकेटच्या रणांगणात एकमेकांसमोर उभे ठाकणार आहेत. भारत-पाकिस्तान सामन्यानंतर भारत आणि अमेरिकेमधील ही लढत लक्षवेधक असणार आहे. उभय संघ प्रथमच क्रिकेटच्या मैदानावर आमनेसामने येणार आहेत. भारत हा एक उत्कृष्ट संघ असून अमेरिकेचा संघ सध्या नावारूपाला येऊ पाहत आहे. त्यामुळे आजच्या लढतीवर सर्वांची नजर असणार आहे.

मोनांक पटेल (कर्णधार आणि यष्टिरक्षक),अॅरोन जोन्स (उपकर्णधार), अँड्रिज गॉस, कोरी अँडरसन, अली खान, हरमीत सिंग, जेसी सिंग, मिलिंद कुमार, निसर्ग पटेल, नितीश कुमार, नोशतुश केंजिगे, सौरभ नेत्रावळकर, शेडली व्हॅन शाल्कविक, स्टीव्हन टेलर आणि शायन जहांगीर.

रोहित शर्मा (कर्णधार), हार्दिक पंड्या (उपकर्णधार), यशस्वी जैस्वाल, विराट कोहली, सूर्यकुमार यादव, ऋषभ पंत (यष्टीरक्षक), संजू सॅमसन (यष्टीरक्षक), शिवम दुबे, रवींद्र जडेजा, अक्षर पटेल, कुलदीप यादव, युजवेंद्र यादव चहल, अर्शदीप सिंग, जसप्रीत बुमराह, मोहम्मद सिराज.