पोलीस भरतीची तयारी करणाऱ्या तरुणीवर धारदार शस्त्रांनी हल्ला; अज्ञात व्यक्तीविरुद्ध गुन्हा दाखल

कासा पोलीस ठाणे हद्दीत कासा गाव, डोंगरी पाडा येथे राहणारी पूनम आज सकाळी ६ वाजल्याच्या सुमारास पोलीस भरती प्रशिक्षण देणाऱ्या खासगी अकॅडमीकडे जात असताना अज्ञात व्यक्तीने पूनमवर धारधार शस्त्राने हल्ला केला. यानंतर तिला प्रथम कासा उपजिल्हा रुग्णालय व नंतर वेदांता हॉस्पिटल येथे दाखल करण्यात आले आहे. अज्ञात व्यक्तीकडून मुलीच्या डोक्यावर, गालावर व पाठीमध्ये वार करण्यात आले आहेत. जखमी मुलगी बोलण्याच्या स्थितीत नसून पोलिसांनी तिच्या नातेवाईकांचा जबाब नोंदवून अज्ञात व्यक्तीवर गुन्हा दाखल केला आहे.