"२०२४ जवळ येईल तेव्हा धक्के बसतील, खूप बॉम्बस्फोट दिसतील" | chandrashekhar bawankule comment on ncp congress shiv sena activist bjp joining | Loksatta

“२०२४ जवळ येईल तेव्हा धक्के बसतील, खूप बॉम्बस्फोट होतील,” भाजपा प्रदेशाध्यक्ष चंद्रशेखर बावनकुळेंचे विधान

राज्यात एकनाथ शिंदे गट आणि भाजपा यांचे संयुक्त सरकार आल्यानंतर राजकारण बदलले आहे.

“२०२४ जवळ येईल तेव्हा धक्के बसतील, खूप बॉम्बस्फोट होतील,” भाजपा प्रदेशाध्यक्ष चंद्रशेखर बावनकुळेंचे विधान
अशोक चव्हाणांच्या या वक्तव्यावर भाजपाचे प्रदेशाध्यक्ष चंद्रशेखर बावनकुळे यांनी प्रतिक्रिया दिली. हा सर्व बदनामी करण्याचा प्रयत्न असल्याचे त्यांनी म्हटले.

राज्यात एकनाथ शिंदे गट आणि भाजपा यांचे संयुक्त सरकार आल्यानंतर राजकारण बदलले आहे. महाविकास आघाडी आणि शिंदे गट-भाजपा असा सरळ सामना पाहायला मिळतोय. राष्ट्रवादी, काँग्रेस, तसेच शिवसेना पक्षप्रमुख उद्धव ठाकरे यांचे समर्थक मोठ्या संख्याने भाजपा आणि शिंदे गटात सामील होत आहेत, असा दावा सत्ताधाऱ्यांकडून केला जातोय. तर दुसरीकडे विरोधकांकडून या दाव्याचे खंडन केले जात आहे. असे असताना भाजपाचे प्रदेशाध्यक्ष चंद्रशेखर बावनकुळे यांनी मोठे विधान केले आहे. जशी २०२४ ची निवडणूक जवळ येईल, तसे विरोधकांना मोठे बॉम्बस्फोट आणि धक्के बसतील, असे चंद्रशेखर बावनकुळे म्हणाले आहेत. ते ‘टीव्ही ९ मराठी’शी बोलत होते.

हेही वाचा >>> चंद्रकांत खैरे म्हणाले एकनाथ शिंदे १५ आमदारांसह काँग्रेसमध्ये जाणार होते, आता शिंदे गटाचे स्पष्टीकरण; अर्जुन खोतकर म्हणाले, “हा तर…”

मी महाराष्ट्रभर फिरतोय. राष्ट्रवादी, काँग्रेस आणि उद्धव ठाकरे यांच्याकडे शिल्लक असलेले तालुका, जिल्हा पातळीवरील कार्यकर्ते भाजपात प्रवेश करत आहेत. मुख्यमंत्री असताना उद्धव ठाकरे मंत्रालयात आलेच नव्हते. त्यामुळे या काळात काहीही काम झाले नाही. एकट्या राष्ट्रवादीने सरकारला लुटले. महाविकास आघाडीच्या स्थानिक कार्यकर्त्यांमध्ये प्रचंड नाराजी आहे, असा दावा चंद्रशेखर बावनकुळे यांनी केला.

हेही वाचा >>> “मुख्यमंत्री २०-२२ तास काम करतायत, त्यांच्या कामात अडथळा आणण्याचा प्रयत्न,” अशोक चव्हाणांच्या गौप्यस्फोटावर शिंदे गटातील खासदाराचे विधान

महाविकास आघाडीचे सरकार असताना राष्ट्रवादी पक्षातील प्रमुख ५० नेत्यांनाच फायदा झाला. राष्ट्रवादीच्या स्थानिक नेत्यांमध्ये निराशा आहे. महाविकास आघाडीमध्ये प्रचंड नाराजी आहे. पक्ष वाढवण्याच्या दृष्टीने भाजपा काम कारत आहे. आगामी काळात जशी २०२४ ची निवडणूक जवळ येईल, तसे तुम्हाला (विरोधकांना) अनेक धक्के बसतील. अनेक बॉम्बस्फोट पाहायला मिळतील, असे चंद्रशेखर बानवनकुळे भाजपामधील इनकमिंगबद्दल बोलताना म्हणाले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“सुप्रियाताईंनी लोकांना सांगावं की गेली ४०-५० वर्षं..”, गोपीचंद पडळकरांची खोचक प्रतिक्रिया; ‘त्या’ विधानावरून टोला!

संबंधित बातम्या

Video: जेव्हा मुख्यमंत्रीच विसरतात आपण मुख्यमंत्री आहोत! भाषणाच्या सुरुवातीलाच एकनाथ शिंदे फडणवीसांबद्दल काय म्हणाले ऐकलं का?
“बल्बचा शोध कधी लागला? मराठी माणसाला येड्यात…”, जितेंद्र आव्हाडांचं खोचक ट्वीट; ‘वेडात मराठे..’ चित्रपटावरून टोला!
प्रकाश आंबेडकरांना महाविकास आघाडीत घेणार का? अजित पवारांनी स्पष्ट केली भूमिका; म्हणाले “उद्धव ठाकरेंनी…”
VIDEO: भाषण करताना स्टुलवर उभे राहिल्याने मनसेची टीका, सुषमा अंधारेंचं प्रत्युत्तर, म्हणाल्या, “माझ्या पायाखाली…”
Maharashtra Karnataka Dispute : ‘कर्नाटकच्या मुख्यमंत्र्यांनी आता जरा तोंडास आवर घालावा आणि…’ राज ठाकरेंचा सूचक इशारा!

व्हिडिओ

ताज्या बातम्या
IND vs BAN 2nd ODI: रोहित शर्माची झुंज अपयशी! बांगलादेशची भारतावर ५ धावांनी मात, मालिकेत २-० विजयी आघाडी
‘विशाळगडावरील अतिक्रमण महाशिवरात्रीपूर्वी हटणार’; छत्रपती संभाजीराजे यांचे विधान
महाराष्ट्र-कर्नाटक सीमावाद: फडणवीसांची अमित शाहांशी फोनवरून चर्चा , नेमकं काय बोलणं झालं?
रोज सकाळी डोकेदुखीचा त्रास होतो का? जाणून घ्या यामागचे कारण
“मी सुशांत सिंहकडून…” सारा अली खानने जागवल्या ‘केदारनाथ’च्या आठवणी