गुजरातचा तराफा, मंडळाच्या कार्यकर्त्यांची मुजोरी; लालबागचा राजाचे विसर्जन रखडताच सोशल मीडियावर टीकेचा सूर

गणपती बाप्पा मोरया या जयघोषात आज अनंत चतुर्दशी दिवशी रत्नागिरीत गणरायाला निरोप देण्यात आला. मांडवी समुद्र किनाऱ्याबरोबरच जिल्ह्यातील इतर समुद्रकिनारी गणेशभक्तांनी बाप्पांच्या विसर्जनासाठी गर्दी केली होती. यावर्षी ६१ सार्वजनिक तर ३६ हजार घरगुती बाप्पांना निरोप देण्यात येत आहे.

मानाचा पहिला कसबा गणपतीचे ३ वाजून ४५ मिनिटे

मानाचा दुसरा श्री तांबडी जोगेश्वरी गणपती ४ वाजून ०५ मिनिटे

मानाचा तिसरा गुरुजी तालीम गणपती ४ वाजून ३५ मिनिटे

मानाचा चौथा तुळशीबाग गणपती ५ वाजून ०७ मिनिटे

मानाचा पाचवा केसरीवाडा गणपती ५ वाजून ४० मिनिटे

उपमुख्यमंत्री अजित पवार यांनी श्री जिलब्या मारुती मंडळ, ट्रस्टच्या गणपती बाप्पांचे दर्शन घेतले. यानंतर मिरवणुकीत सहभागी होत ढोलपथकातील ढोल वाजवून त्यांनी भाविकांबरोबर मिरवणुकीचा आनंद घेतला.

See more

उपमुख्यमंत्री अजित पवार यांनी पुण्यातील श्रीगणेश विसर्जन मिरवणुकीमध्ये सहभाग घेत ढोल वाजविण्याचा आनंद घेतला.https://t.co/2jrmCKvB4K#GaneshChaturthi #GaneshVisarjan2025 #AjitPawar @AjitPawarSpeaks pic.twitter.com/K3Z7efKUIl

— LoksattaLive (@LoksattaLive) September 6, 2025

See more

श्री जिलब्या मारुती मंडळ, ट्रस्टच्या गणपती बाप्पांचे मनोभावे दर्शन घेतले. याबरोबरच लहानग्या गणेशभक्तांच्या भेटीगाठी घेतल्या. यावेळी श्रीगणरायाचे मनोभावे दर्शन घेतले तसंच परिसरात दर्शनासाठी आलेल्या सर्व भाविक भक्तांशी आपुलकीचा संवाद साधला.#GanapatiBappaMorya pic.twitter.com/U0sQ2kDiYs

— Ajit Pawar (@AjitPawarSpeaks) September 6, 2025

गणेश चतुर्थी ते अनंत चतुर्दशी अशा या १० दिवस चालणाऱ्या गणेशोत्सवाची सांगता आज बाप्पाला निरोप देऊन होते आहे. पाहा फोटो

मानाच्या गणपतींच्या मिरवणुकीत सर्वपक्षीय नेते पदप्रतिष्ठा बाजूला ठेऊन मिरवणुकीत सहभागी झाले होते. मानाच्या गणपतींची मिरवणूक बेलबाग चौकातून मार्गस्थ झाल्यानंतर राजकीय पक्षांच्या नेत्यांनी मिसळवर ताव मारला. उपमुख्यमंत्री अजित पवार, विधान परिषदेच्या उपसभापती डाॅ. नीलम गोऱ्हे, काँग्रेसचे ज्येष्ठ नेते उल्हास पवार, काँग्रेसचे माजी आमदार मोहन जोशी आदी उपस्थित होते. त्यावेळी त्यांच्यात राजकीय गप्पांचा फड रंगला.

गिरगाव चौपाटी ही मुंबईतील सर्वात मोठी चौपाटी असून या ठिकाणी दरवर्षी जास्तीतजास्त गणेशमूर्तींचे विसर्जन होत असते. दरवर्षी प्रमाणे यंदा देखील गणपती बाप्पाला निरोप देण्यासाठी भाविक गिरगाव चौपाटीवर दाखल झाले आहेत. पाहा लोकसत्ताचा एक्सक्लुजिव्ह व्हिडीओ

वाहतुकीस अडथळा होऊ नये आणि मिरवणूक सुरळीतपणे पार पडावी, यासाठी पोलिसांनी विशेष वाहतूक नियोजन केले आहे. काही मार्गांवर लहान-मोठ्या वाहनांना प्रवेशबंदी लागू करण्यात आली आहे. …सविस्तर बातमी

पुण्यातील तांबडी जोगेश्वरी या मानाच्या दुसऱ्या गणपतीची मिरवणूक मोठ्या जल्लोषात सुरू झाली असून अनेक भाविक मिरवणुकीत सहभागी झाले आहेत. (Photo by Aul Hotizon)

मोबाईल आणि संगणकाच्या एका क्लिकवर माहिती पोहचत असताना विसर्जन मिरवणुकीत स्वराज्य पथकाने ‘पोस्टमन’च्या आठवणींना उजाळा दिला. पोस्टमनच्या वेशातील वादक, लोकमान्य टिळकांच्या जीवनावर आधारित जिवंत देखावा अन् जुन्या कार्यकर्त्यांचा ओसंडून वाहणारा उत्साह…

लालबागच्या राजाची शाही मिरवणूक सुरू झाली असून लालबागच्या राजाची शेवटची झलक पाहण्यासाठी मोठ्या प्रमाणात गर्दी उसळली आहे. ‘ही शान कुणाची, लालबागच्या राजाची’, अशा घोषणा देत भाविकांनी मोठी गर्दी केली आहे.

See more

#WATCH | The 'visarjan procession' for the immersion of Lord Ganesh idol of Lalbaugcha Raja pandal begins in Mumbai, Maharashtra.#GaneshChaturthi2025 pic.twitter.com/EC6wwhw5hZ

— ANI (@ANI) September 6, 2025

लालबागच्या राजाची मंडपातील शेवटची आरती पार पडल्यानंतर आता बाप्पाच्या मूर्तीचे विसर्जन करण्यासाठी मूर्ती बाहेर काढण्यात आली आहे. यावेळी लालबागच्या राजाचे अखेरचे दर्शन घेण्यासाठी भाविकांची गर्दी लोटली आहे.

See more

#WATCH | The 'visarjan procession' for the immersion of Lord Ganesh idol of Lalbaugcha Raja pandal to begin shortly in Mumbai, Maharashtra. #GaneshChaturthi2025 pic.twitter.com/DOH5QgBG4l

— ANI (@ANI) September 6, 2025

मानाचा चौथा गणपती श्री तुळशीबाग सार्वजनिक गणेशोत्सव मंडळ ट्रस्टचे यंदा शतकोत्तर रौप्य महोत्सवी वर्ष आहे. फुलांचा वर्षाव आणि ढोल-ताशांच्या गजरात गणपतीची मिरवणूक पारंपरिक पद्धतीने सुरु झाली. मिरवणुकीत लोणकर बंधूचे नगारा वादन, रुद्रांग, तालगर्जना,आदिमाया,स्वराज्य पथके सहभागी झाले आहेत.

मंडळाने यंदा वृंदावनात ‘तुळशीबागेचा महागणपती’ हा देखावा साकारला आहे.

आहे. फुलांचा वर्षाव आणि ढोल-ताशांच्या गजरात गणपतीची मिरवणूक पारंपरिक पद्धतीने सुरु झाली.

मिरवणुकीत लोणकर बंधूचे नगारा वादन, रुद्रांग, तालगर्जना,आदिमाया,स्वराज्य पथके सहभागी झाले आहेत.

मंडळाने यंदा वृंदावनात ‘तुळशीबागेचा महागणपती’ हा देखावा साकारला आहे.

Ganesh Chaturthi Jyeshtha Gauri traditions: सृष्टी जणू सासरच्या तप्त झळा सोसून माहेरी आलेल्या विवाहितेप्रमाणे पुन्हा एकदा बहरू लागते. गावोगावीच्या माता-भगिनी सृष्टीचे हे नवतेजाने बहरास येणे ज्येष्ठागौरी व्रताच्या माध्यमातून साजरे करतात. …अधिक वाचा

पुण्यातील श्री कसबा गणपती हा मानाचा पहिला गणपती विसर्जनासाठी मार्गस्थ झाला आहे. मिरवणुकीत हा गणपती सर्वात पुढे असेल.

See more

#WATCH | Maharashtra: Lord Ganesh idol immersion procession of Pune's Shree Kasba Ganpati (Gram Devta) 'Manacha Pahila Ganpati' is being taken out in the city.

The idol holds the honour of leading the immersion procession. pic.twitter.com/RlNJa568yH

— ANI (@ANI) September 6, 2025

गणेशकुंड येथे मंडप उभारण्यात येणार असून नगरपरिषदेचे कर्मचारी विसर्जन प्रक्रियेवर जातीने लक्ष ठेवणार आहेत. कोणताही अपघात टाळण्यासाठी प्रत्येक विसर्जनस्थळी स्वयंसेवक नेमण्यात आले आहेत. …सविस्तर बातमी

मुंबईतील प्रसिद्ध तेजूकाय मंडळाचा गणपती बाप्पा विसर्जनासाठी मार्गस्थ झाला आहे. पर्यावरणपूरक गणेशोत्सव साजरा करण्यात तेजूकाय मंडळाने नेहमीच पुढाकार घेतला आहे. शाडू आणि नैसर्गिक रंगापासून तयार केलेली २८ फूटांची गणेश मूर्ती मंडळाचे कार्यकर्ते स्वतः विसर्जित करतात.

चिंचवड येथील मोहनगरमध्ये गणपती बाप्पांची मोठ्या जल्लोषात विसर्जन मिरवणूक सुरू होती. डिजेवर सर्व गणेश भक्त नाचत होते. …सविस्तर बातमी

यंदा ठाणे जिल्ह्यात अनंत चतुर्दशीच्या दिवशी ४४ हजार ३२९ गणेश मूर्तींचे विसर्जन होणार आहे. यामध्ये ७९४ सार्वजनिक तर, ४३ हजार ५३५ घरगुती गणपतींचा समावेश आहे. …वाचा सविस्तर

नाशिक शहरातील मुख्य गणेश विसर्जन मिरवणूक तसेच नाशिकरोडसह इतर भागात निघणाऱ्या मिरवणुका लक्षात घेऊन वाहतूक पोलिसांनी शनिवारी मिरवणूक मार्गांवर वाहतुकीचे निर्बंध लागू केले आहेत. …सविस्तर बातमी

मुंबईच्या गणेश गल्लीतील मुंबईचा राजाची मिरवणूक सुरू झाली आहे. मोठ्या धुमधडाक्यात भाविक गणपती बाप्पाला निरोप देण्यासाठी जमले आहेत. तर थोड्याच वेळात लालबागच्या राजाची मिरवणूक निघणार आहे.

राज्याचे उपमुख्यमंत्री अजित पवार यांनी पुण्यातील श्रीमंत दगडूशेठ हलवाई गणपती मंदिरात पत्नी खासदार सुनेत्रा पवार यांच्यासह पूजा केली. त्यानंतर माध्यमांशी बोलताना ते म्हणाले, दहा दिवस इतक्या लवकर निघून गेले, कुणालाही कळले नाही. सर्वजण भक्तीत रमले होते. विसर्जनादरम्यान सर्व नागरिकांनी पोलिसांच्या सूचनांचे पालन करावे.

See more

Pune | Maharashtra Deputy CM Ajit Pawar says, "Ten days passed so quickly, no one even realised, as everyone was deeply engrossed in devotion. Prayers and rituals were performed. I prayed to Lord Ganesha for peace and happiness for all. At present, due to heavy rains, farmers are… https://t.co/Y0J0PVEJHb pic.twitter.com/8CQimxwLgW

— ANI (@ANI) September 6, 2025

गणेश विसर्जनासाठी पावसामुळे धरणे, तलाव यांसह इतर सर्व जलाशये काठोकाठ भरल्याने महानगरपालिकेच्या वतीने अशा ठिकाणी विसर्जन करण्यास मनाई करण्यात आली आहे. …सविस्तर बातमी

Pune Ganpati Visarjan 2025 Updates : विसर्जन मिरवणुकीदरम्यान कोणतीही आपत्कालीन परिस्थिती उद्भवल्यास तत्काळ मदत मिळावी, यासाठी विशेष आरोग्य यंत्रणा कार्यरत राहणार आहे. …सविस्तर वाचा

Ganesh Visarjan 2025: यंदा ६ सप्टेंबर २०२५ रोजी अनंत चतुर्थी साजरी केली जाईल. या दिवशी बाप्पाचे विर्सजन करण्यासाठी शुभ मुहूर्त कोणता हे आपण जाणून घेऊ …वाचा सविस्तर

ठरवलेल्या वेळापत्रकाचे काटेकोर पालन झाले, तर पथकांची संख्या किंवा सदस्य संख्येवर कोणताही अडसर आणला जाणार नाही, असे पोलिसांनी स्पष्ट केले आहे. …अधिक वाचा