Marathi News Today: धुलिवंदनाच्या पार्श्वभूमीवर महाराष्ट्रातील राजकीय वर्तुळात आरोप-प्रत्यारोपांची धुळवड पाहायला मिळत आहे. लोकसभा निवडणुकांवरून राज्यात महायुती व महाविकास आघाडी यांच्यातील अंतिम जागावाटप अद्याप स्पष्ट झालेलं नसताना शीर्षस्थ नेतृत्वाकडून महाराष्ट्रातील काही जागांवर उमेदवारांची नावं जाहीर केली जात आहेत. त्यामुळे नेमकं महायुती व महाविकास आघाडीचं ठरलंय काय? असा प्रश्न उपस्थित केला जात आहे.
Maharashtra News Live Updates 25 March 2024: महाराष्ट्रात आरोप-प्रत्यारोपांची राजकीय धुळवड!
पुणे : पोलिसी कारवाईची भिती दाखवून फसवणूक करण्याचे प्रकार वाढीस लागले आहेत. परदेशातून पाठविलेल्या कुरिअरच्या पाकिटात अमली पदार्थ, परदेशी चलन सापडल्याची बतावणी करुन नागरिकांकडून पैसे उकळले जात आहेत. बाणेर भागातील एका डॉक्टरची सायबर चोरट्यांनी एक कोटी एक लाख ३० हजार रुपयांची फसवणूक केल्याचा प्रकार उघडकीस आला.
लोकसभा निवडणुकीसाठी महाराष्ट्रातील जागावाटपावर चर्चा करण्यासाठी आज ठाकरे गट व शरद पवार गटाची महत्त्वपूर्ण बैठक होत आहे. आजच्या बैठकीत महाविकास आघाडीतील जागावाटपाबाबत सविस्तर चर्चा होण्याची शक्यता वर्तवली जात आहे. तसेच, काही जागांवर असणाऱ्या तिढ्यावरही तोडगा काढला जाण्याची शक्यता आहे.
महाराष्ट्र ब्रेकिंग न्यूज लाइव्ह टुडे
Maharashtra News Live Updates 25 March 2024: महाराष्ट्रातील महत्त्वाच्या घडामोडींचा आढावा एका क्लिकवर!