Premium

“सत्ताधारी आमदारांनाच निधीचं असमान वाटप”, जयंत पाटलांचा गंभीर आरोप; म्हणाले, “जो ठाण मांडून बसतो…”

विधिमंडळाचे हिवाळी अधिवेशन ७ तारखेपासून सुरू होत आहे. आम्ही ६ डिसेंबरला शिवसेना, काँग्रेस आणि राष्ट्रवादी पक्षाची बैठक घेणार आहोत. अधिवेशनात कोणते मुद्दे मांडायचे यावर या बैठकीत चर्चा होईल, असं जयंत पाटील म्हणाले.

jayant patil on contract job in government
राष्ट्रवादी कॉंग्रेसचे प्रदेशाध्यक्ष आमदार जयंत पाटील (संग्रहित छायाचित्र)

राज्यात तीन पक्षाचं सरकार सत्तेवर आहे. शिंदे गट, अजित पवार गट आणि भाजपाच्या आमदारांना समान निधी दिला जात नसल्याची राजकीय वर्तुळात चर्चा आहे. तसंच, विरोधी पक्षातील आमदारांनाही कमी निधी दिला जातो असा आरोप सातत्याने केला जातो. आता राष्ट्रवादीतील आमदार जयंत पाटील यांनीही असाच गंभीर आरोप केला आहे. पत्रकार परिषदेत ते बोलत होते.

या बातमीसह सर्व प्रीमियम कंटेंट वाचण्यासाठी साइन-इन करा

विधिमंडळाचे हिवाळी अधिवेशन ७ तारखेपासून सुरू होत आहे. आम्ही ६ डिसेंबरला शिवसेना, काँग्रेस आणि राष्ट्रवादी पक्षाची बैठक घेणार आहोत. अधिवेशनात कोणते मुद्दे मांडायचे यावर या बैठकीत चर्चा होईल, असं जयंत पाटील म्हणाले.

ते पुढे म्हणाले की, अधिवेशनात महाराष्ट्रातील विविध मुद्दे, निधीचं असमान वाटप याविरोधात आवाज उठवला जाईल. हाजिर तो वजिर अशी परिस्थिती सरकारची आहे. जो मंत्रालयात जातो, ठाण मांडून बसतो तोच जास्त पैसे घेतो. सत्तारूढ आमदारालाही १०० कोटी, कोणाला ३०० कोटी तर कोणाला ५० कोटीच मिळाले आहेत. म्हणजेच, सत्तेत असणाऱ्यांनाही निधीचं समान वाटप होत नाही, असा आरोप जयंत पाटील यांनी केला. हा मुद्दा आगामी विधिमंडळ अधिवेशनात मांडणार असल्याचंही ते म्हणाले.

हेही वाचा >> “आरक्षणाबाबत मंत्र्यांमध्ये एकवाक्यता नाही, हे सर्व ठरवून…”, जयंत पाटलांची टीका; म्हणाले, “दोन व्यासपीठ…”

ट्रॅक्टर रॅली काढणार

“राज्यात अवकाळी पावसामुळे पिकांचे मोठ्या प्रमाणात नुकसान झाले आहे. पीक विम्याच्या बाबतीत सरकारने अनेक घोषणा केल्या. पण मदत मात्र त्यांच्यापर्यंत पोहोचलेली नाही, ही शेतकऱ्यांची थट्टा आहे. विदर्भात तुरीच्या पिकांचे, नंदुरबारमध्ये मिरचीचे तर जळगाव व नाशिकमध्ये द्राक्ष व कांद्याचे नुकसान झाले आहे. तसेच, या अवकाळी पावसामुळे जनावरांचेदेखील फार मोठ्या प्रमाणात नुकसान झाले आहे. या सर्व नुकसानीचे पंचनामे करण्याची घोषणा सरकारने केली असली तरी त्याची अंमलबजावणी होईल असे वाटत नाही. त्यामुळे शेतकऱ्यांच्या मागण्या व त्यांचे प्रश्न सोडविण्यासाठी राष्ट्रवादी काँग्रेस पक्षाच्या वतीने शेतकरी आक्रोश मोर्चा व ट्रॅक्टर रॅली काढण्यात येणार आहे. उद्या गुरुवार, ३० नोव्हेंबर रोजी जळगाव, शुक्रवार १ डिसेंबर रोजी नाशिकच्या दिंडोरी येथे तर ५ डिसेंबर रोजी अमरावती येथे हा मोर्चा निघेल व राज्य स्तरावरील पक्षाचे महत्वाचे नेते त्यात सहभागी होतील”, अशी माहिती जयंत पाटलांनी दिली.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Unequal allocation of funds only to ruling mlas serious accusation of jayant patil said he who sits in a place sgk

First published on: 29-11-2023 at 17:53 IST

आजचा ई-पेपर : महाराष्ट्र

वाचा