“प्रेक्षक खूप हुशार झालेत आणि…” बॉलिवूड चित्रपट अयशस्वी होण्याबद्दल अजय देवगणचं मोठं वक्तव्य

अजय देवगण सध्या त्याच्या ‘दृश्यम २’ या चित्रपटामुळे चांगलाच चर्चेत आहे. ४ दिवसांपूर्वी प्रदर्शित झालेल्या या चित्रपटाने प्रदर्शनाच्या आधीच नवे रेकॉर्ड्स बनवायला सुरुवात केली. गेली अनेक दिवस अजय आणि या चित्रपटाची टीम या चित्रपटाचे जोरदार प्रमोशन करताना दिसतेय. यादरम्यान दिलेल्या एका मुलाखतीत अजयने बॉलिवूडच्या सद्य परिस्थितीवर त्याचं मत व्यक्त केलं. प्रेक्षकांना मोठ्या संख्येने चित्रपटगृहात आणायचा असेल तर काय करावं लागेल याबद्दलचं त्याचं मत त्याने मांडलं.

हेही वाचा : विश्वसुंदरी मानुषी छिल्लर प्रसिद्ध व्यावसायिकाला करतेय डेट, कोण आहे तो? घ्या जाणून

अजय देवगणने ‘व्हरायटी’ला दिलेल्या मुलाखतीत सांगितले की, “बॉलिवूडला तीन-चार दरम्यान, ‘दृश्यम’ चित्रपटाच्या या सिक्वेलसाठी प्रेक्षक प्रचंड आतुर होते. २०१४ मध्ये ‘दृश्यम’ चित्रपट प्रदर्शित झाला होता. या चित्रपटाच्या उत्कंठावर्धक कथेने सर्वांनाच भुरळ घातली. आता या चित्रपटाच्या दुसऱ्या भागाचीही यशस्वी घोडदौड सुरु आहे.ची गरज आहे. अजय देवगण म्हणाला, ‘बॉक्स ऑफिसवर चित्रपट चालण्यासाठी एका विशिष्ट टॉनिकची आवश्यकता आहे. मला वाटतं बॉलिवूडला तीन-चार दृश्यम हवेत आणि याच टॉनिकची बॉलिवूडला गरज आहे.”

पुढे तो म्हणाला, “मला वाटतं मनोरंजक चित्रपट करणं फारसं सोपं नसतं. तुम्हाला अडीच तास प्रेक्षकांना गुंतवून ठेवावे लागेल आणि प्रेक्षक खूप हुशार झाले आहेत, त्यामुळे तुम्ही त्यांना मनोरंजनाच्या नावाखाली काहीही दाखवू शकत नाही. ‘जेव्हा तुम्ही व्यावसायिक चित्रपटाच्या मनोरंजनाविषयी बोलता तेव्हा तुम्हाला प्रेक्षकांना काहीतरी नवीन द्यावे लागते.”

आणखी वाचा : ‘दृश्यम २’साठी अजय देवगणने आकारलं ‘इतके’ कोटी मानधन; आकडा वाचून व्हाल थक्क

दरम्यान, ‘दृश्यम’ चित्रपटाच्या या सिक्वेलसाठी प्रेक्षक प्रचंड आतुर होते. २०१४ मध्ये ‘दृश्यम’ चित्रपट प्रदर्शित झाला होता. या चित्रपटाच्या उत्कंठावर्धक कथेने सर्वांनाच भुरळ घातली. आता या चित्रपटाच्या दुसऱ्या भागाचीही यशस्वी घोडदौड सुरु आहे.