“माझे वडील जाताना…”; दिवंगत इरफान खान यांच्याबद्दल लेक बाबिलचा खुलासा

बाबिलचा ‘काला’ हा चित्रपट पाहण्यासाठी चाहते खूप उत्सुक आहेत. त्याचवेळी, चाहत्यांना बाबिलबद्दल अशी खात्री वाटते की, ज्याप्रमाणे त्याच्या वडिलांनी आपल्या अभिनयाने प्रेक्षकांची मने जिंकली त्याचप्रमाणे तो देखील पडद्यावर आपली वेगळी छाप निर्माण करेल. आता याबद्दल बाबिल खानने एक विधान केले आहे, ज्याची सर्वत्र चर्चा होत आहे.

आणखी वाचा : आर्यन खानकडून करण जोहरला मिळाला मोठा झटका, धुडकावली चित्रपटाची ऑफर कारण…

बाबिल खानने त्याचे वडील इरफानच्या निधनानंतर काही महिन्यांनीच त्याच्या आगामी चित्रपटाच्या शूटिंगला सुरुवात केली होती. चित्रपटाच्या ट्रेलर लाँचच्या वेळी बाबिलने तो खूप दडपणाखाली असल्याचे सांगितले. तो म्हणाला, “दोन वर्षांपूर्वी आम्ही शूटिंग करत होतो तेव्हा मला दडपण होतं. ते दडपण मला आनंदी करायचे आणि मला घाबरायचेही. पण आता त्या दडपणाची व्याख्या बदलली आहे. आता दडपणामुळे मला अधिक चांगलं काम करण्याची प्रेरणा मिळते.”

बाबिलला जेव्हा विचारण्यात आले की, त्याचे वडील इरफानचे कोणते गुण त्याला आत्मसात करायला आवडतील? यावर त्याने उत्तर दिले की, “माझ्या वडिलांकडे असलेले गुण ते त्यांच्याबरोबरच घेऊन गेले. आता मी स्वतःमधील गुणांचा शोध घेईन. बाबिलचं हे उत्तर ऐकून सर्वांचं लक्ष त्याच्याकडे वळले.

हेही वाचा : ‘तू मुसलमान आहेस का ?’; युजरने विचारलेल्या प्रश्नावर बाबिल खानने दिलं ‘हे’ उत्तर…

‘काला’ हा अन्विता दत्त दिग्दर्शित सायकॉलॉजिकल ड्रामा चित्रपट आहे. ‘काला’मध्ये बाबिल खान आणि तृप्ती डिमरीबरोबरच स्वस्तिका मुखर्जी, अमित सियाल, अभिषेक बॅनर्जी हे कलाकारही मुख्य भूमिकेत दिसणार आहेत. हा चित्रपट १ डिसेंबर रोजी ‘नेटफ्लिक्सव’र प्रदर्शित होणार आहे. सध्या ‘काला’चा ट्रेलर सोशल मीडियावर व्हायरल होत असून या ट्रेलरला खूप चांगलं प्रतिसाद मिळत आहे.