अभिनेत्री कश्मीरा शाहने अपघातानंतर स्वतःचा पहिला फोटो केला पोस्ट; म्हणाली, “माझा चेहरा…”

कश्मीराने या पोस्टमध्ये या अपघातातून ती कशी बचावली हे सांगताना तिने आपल्या चाहत्यांचे आभार मानले आहेत. कश्मीराने शेअर केलेल्या फोटोमध्ये तिच्या नाकाला पट्टी लावलेली दिसत आहे.

हेही वाचा…कॉमेडियन कृष्णा अभिषेकची पत्नी, अभिनेत्री कश्मीरा शाहचा भीषण अपघात

सोशल मीडियावर शेअर केला फोटो

कश्मीरा शाहने तिच्या इन्स्टाग्राम अकाउंटवरून एक फोटो शेअर केला आहे. या फोटोत ती बेडवर झोपलेली असून, तिच्या नाकावर मोठी पट्टी दिसत आहे. तिच्या शेजारी ‘हनुमान चालीसा’ ठेवलेली आहे. अपघातानंतर चाहत्यांनी तिला पाठविलेल्या शुभेच्छा आणि प्रार्थनांसाठी तिने खास पोस्ट लिहिली आहे.

कश्मीरा शाहची पोस्ट –

चाहत्यांचे आभार मानत दिला सकारात्मक संदेश

कश्मीराने तिच्या पोस्टमध्ये लिहिले, “माझ्या सोशल मीडिया कुटुंबातील मित्रांनो, तुमच्या शुभेच्छा आणि प्रेमासाठी खूप आभार. तुमच्या प्रार्थनांमुळे मला खूप आधार मिळाला आहे. अपघातात काचेच्या तुकड्यांमुळे माझा चेहरा पूर्णपणे जखमी होऊ शकला असता; पण देवाच्या कृपेने असं काही झालं नाही. फक्त माझ्या नाकाला दुखापत झाली. तुमच्या शुभेच्छांमुळे मी बरी होत आहे.”

हेही वाचा…शाहरुख फक्त ‘या’ एकाच ठिकाणी रडतो; स्वत: केला खुलासा, म्हणाला, “जेव्हा तुम्ही अपयशी होता…”

अपघाताच्या बातमीने कश्मीराचा पती कृष्णा खूप अस्वस्थ झाला होता. त्याने सगळी कामे थांबवून कश्मीराच्या जवळ जाण्याचा निर्णय घेतला. मात्र, कश्मीराने त्याला नकार दिला. कश्मीराने सांगितले की, तिला कृष्णाचा वेळ वाया घालवायचा नव्हता आणि त्यामुळे तिने त्याला परत न येण्यास सांगितले.