मलायकाच्या वडिलांवर आज अंत्यसंस्कार; अरबाज खान, अर्जुन कपूरसह सैफ-करीना अंत्यदर्शनासाठी पोहोचले

मलायकाचे वडील अनिल मेहता ६२ वर्षांचे होते. गुरुवारी मुंबईतील सांताक्रूझ येथील हिंदू स्मशानभूमीत त्यांच्यावर अंत्यसंस्कार करण्यात येणार आहेत. मलायकाचे इंडस्ट्रीमधील सगळे जवळचे मित्र तसेच खान कुटुंबीय तिला धीर देण्यासाठी आणि अनिल मेहतांचं अंत्यदर्शन घेण्यासाठी नुकतेच पोहोचले आहेत.

हेही वाचा : “मी थकलोय…”, लेक मलायका अरोराला फोन करून आत्महत्येआधी काय म्हणाले होते अनिल मेहता? माहिती आली समोर

अंत्यदर्शन घेण्यासाठी सेलिब्रिटी पोहोचले

मलायकाच्या वडिलांचं अंत्यदर्शन घेण्यासाठी आज अरबाज खान, त्याची पत्नी शूरा, अर्जुन कपूर, फराह खान, करीना कपूर, सैफ अली खान, करिश्मा कपूर, जिनिलीया-रितेश, सोहेल खान, गौहर खान, गीता कपूर, मोहित मारवाह, टेरेंस, अर्शद वारसी, गुरू रंधावा, मिनी माथूर, पुनित मल्होत्रा, किम शर्मा असे सगळे सेलिब्रिटी मलायका व तिच्या कुटुंबीयांना धीर देण्यासाठी पोहोचले आहेत.

हेही वाचा : Video : वडिलांच्या निधनानंतर मलायका अरोराला अर्जुन कपूरने दिला धीर, व्हिडीओ पाहून नेटकऱ्यांनी केलं कौतुक

हेही वाचा : चौकीदार मदतीसाठी ओरडत होता अन्…; मलायकाच्या आईने सांगितलं सकाळी काय घडलं? घटस्फोटानंतरही एकत्र राहायचे अनिल अरोरा-जॉयसी

दरम्यान, मलायका ( Malaika Arora ) बुधवारी ( ११ सप्टेंबर ) सकाळी पुण्यात होती. मात्र, सावत्र वडिलांच्या निधनाची बातमी समजताच ती मुंबईच्या दिशेने निघाली. मलायका मुंबईत येण्यापूर्वी अनिल मेहतांच्या वांद्रे येथील घरी तिचा पूर्वाश्रमीचा पती अरबाज खान पोहोचला होता. त्यानंतर काही वेळातच मलायका – अरबाज यांचा मुलगा अरहान, अरबाजचे वडील सलीम खान, सलमा खान, सोहेल खान, अलविरा अग्निहोत्री आणि अर्पिता खान या खान कुटुंबीयांसह सैफ अली खान व करीना कपूर मलायकाला धीर देण्यासाठी पोहोचले होते.