Anant Ambani And Radhika Merchant Pre Wedding Celebration : अनंत अंबानी आणि राधिका मर्चंट यांच्या प्री-वेडिंग सोहळ्याला १ मार्चपासून जामनगरमध्ये सुरुवात झाली आहे. या कार्यक्रमाला मनोरंजन विश्वापासून ते राजकीय, क्रिकेट अशा सगळ्या क्षेत्रातील मान्यवरांनी उपस्थिती लावली आहे. अंबानी कुटुंबीयांनी उपस्थित पाहुण्यांसाठी जामनगरमध्ये जय्यत तयारी केल्याचं पाहायला मिळत आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

प्री-वेडिंगच्या पहिल्याच दिवशी ( १ मार्च ) हॉलीवूड गायिका रिहानाने जबरदस्त परफॉर्मन्स दिला होता. यानंतर दुसऱ्या दिवशी बॉलीवूड सेलिब्रिटी व्यासपीठावर एकत्र थिरकताना पाहायला मिळाले. रणवीर-दीपिका, शाहरुख-सलमान व आमिर, रणबीर-आलिया, जान्हवी-सारा, करीना व करिश्मा कपूर या सगळ्या सेलिब्रिटींनी मोठ्या उत्साहात या प्री-वेडिंग सोहळ्यात परफॉर्म केलं. या सगळ्यांचे व्हिडीओ सध्या सोशल मीडियावर व्हायरल होत आहेत. अशातच एका खास व्हिडीओने सर्वांचं लक्ष वेधून घेतलं आहे.

हेही वाचा : Video : सासूबाईंसह डान्स, बाबांनी लावली लेकीला हळद अन्…; ‘असा’ पार पडला पूजा सावंतचा हळदी सोहळा

शाहरुख आणि सुहाना खान यांनी प्री-वेडिंग कार्यक्रमात एकत्र डान्स केल्याचा व्हिडीओ इन्स्टंट बॉलीवूड या पापाराझी पेजवरून शेअर करण्यात आला आहे. यावेळी सुहानाबरोबर बिग बींची नात नव्या नवेली नंदा, अनन्या पांडे, शनाया कपूर या देखील उपस्थित होत्या. हे सगळेजण मिळून दिलजीत दोसांझच्या लव्हर गाण्यावर थिरकले. प्री-वेडिंग कार्यक्रमात दिलजीतने लाइव्ह परफॉर्म केलं होतं.

हेही वाचा : ‘जीव माझा गुंतला’ फेम मल्हार-अंतरा झाले खऱ्या आयुष्यात हमसफर, लग्नाचा फोटो शेअर करत योगिता चव्हाणने दिला सुखद धक्का

दरम्यान, अनंत-राधिकाच्या प्री-वेडिंग कार्यक्रमाचा आज ( ३ मार्च ) शेवटचा दिवस आहे. येत्या जुलै महिन्यात हे दोघंही लग्नबंधनात अडकणार आहेत.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Shah rukh khan and suhana dance on diljit dosanjh lover song in anant ambani pre wedding function jamnagar sva 00