‘आदिपुरुष’ चित्रपट १६ जून २०२३ रोजी बॉक्स ऑफिसवर प्रदर्शित झाला. चित्रपटाच्या प्रदर्शनानंतर यातील संवाद, व्हिएफएक्स तसेच प्रभास, सैफ अली खान व क्रिती सेनॉन यांच्या लुकवरून सोशल मीडियावर बरेच वाद निर्माण झाले होते. चित्रपटाने पहिल्या दिवशी चांगली कमाई केली होती. मात्र, त्यानंतर ‘आदिपुरुष’च्या कलेक्शनमध्ये सातत्याने घट पाहायला मिळाली होती.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा- वीर दासला किस करताना कंगना रणौतचं हरपलेलं भान; मीडिया रीपोर्ट शेअर करत अभिनेत्रीने सुनावले खडेबोल

हा चित्रपट बॉक्स ऑफिसवर अपयशी ठरला असला तरी, चित्रपट रसिक अजूनही डिजिटल प्लॅटफॉर्मवर प्रभास स्टारर चित्रपटाच्या प्रदर्शनाची प्रतीक्षा करत आहेत. लवकरच हा चित्रपट ओटीटीवर प्रदर्शित होणार आहे. या चित्रपटाच्या ओटीटी प्रदर्शनाची तारीखही जाहीर झाली आहे. हा चित्रपट ऑगस्टमध्ये ओटीटीमध्ये पदार्पण करणार आहे. मिळालेल्या माहितीनुसार, हा चित्रपट १ ऑगस्ट २०२३ पासून OTT प्लॅटफॉर्म Amazon Prime Video वर प्रदर्शित होणार आहे.

‘आदिपुरुष’ चित्रपट महाकाव्य रामायणावर आधारित आहे. या चित्रपटात प्रभासने रामाची भूमिका, क्रिती सेननने सीताची, सनी सिंगने लक्ष्मणची, सैफ अली खानने रावणाची आणि देवदत्त नागेने हनुमानाची भूमिका साकारली होती. या चित्रपटाचे लेखन आणि दिग्दर्शन ओम राऊत यांनी केले होते.

हेही वाचा-

हा चित्रपट हिंदीसह अनेक भाषांमध्ये प्रदर्शित झाला. प्रदर्शनापूर्वी या चित्रपटाने बरीच चर्चा केली होती. परंतु थिएटरमध्ये पोहोचल्यानंतर त्याला प्रेक्षकांकडून तसेच समीक्षकांकडून निराशाजनक प्रतिसाद मिळाला होता. ऑल इंडिया सिने वर्कर्स असोसिएशनने सुद्धा चित्रपटाच्या टीमविरुद्ध कारवाईची मागणी केली होती.

मराठीतील सर्व ओटीटी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Prabhas kriti sanon starrer film adipurush ott release know when and where to watch dpj