अल्लू अर्जुनचा ‘पुष्पा’ चित्रपट जबरदस्त हिट ठरला; तर समंथा रुथ प्रभूच्या ‘उ अंटवा’ गाण्यानं प्रेक्षकांना भुरळ घातली. या गाण्यातील अल्लू अर्जुन आणि समंथाच्या जोडीचंही विशेष कौतुक झालं. अशातच आता साउथचा सुपरस्टार अल्लू अर्जुन आणि समांथा आगामी चित्रपटात एकत्र झळकणार असल्याची चर्चा सुरू आहे. ‘जवान’चा दिग्दर्शक अ‍ॅटली या चित्रपटाच्या दिग्दर्शनाची धुरा सांभाळणार आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

पिंकविलाच्या माहितीनुसार, ॲटली पहिल्यांदाच अल्लू अर्जुनबरोबर काम करणार आहे. या चित्रपटाचं चित्रीकरण ऑक्टोबर २०२४ पासून सुरू होण्याची शक्यता आहे. ॲटलीने या चित्रपटासाठी कास्टिंग प्रोसेसही सुरू केली आहे. प्रॉडक्शनच्या सुत्रांनुसार, नायिकेच्या भूमिकेसाठी ॲटलीची समांथाबरोबर बोलणी सुरू आहेत.

२०१५ रोजी प्रदर्शित झालेल्या ‘सन ऑफ सत्यमूर्ती’नंतर अल्लू अर्जुन आणि समांथा पुन्हा एकदा एकत्र दिसणार असल्याची शक्यता टाळता येणार नाही.

हेही वाचा… ‘स्टुडंट ऑफ द इअर ३’च्या दिग्दर्शनाची धुरा करण जोहरऐवजी ‘या’ व्यक्तीकडे, चित्रपट नसून असणार वेब सीरिज

पोर्टलला दिलेल्या माहितीनुसार, “समांथा आणि अ‍ॅटली यांनी यापूर्वी ‘थेरी’ चित्रपटासाठी एकत्र काम केलं आहे आणि आता अल्लू अर्जुन अभिनीत चित्रपटात दोघं पुन्हा एकत्र येण्याची चर्चा सुरू आहे. त्या वेळेस समांथा आणि अ‍ॅटलीचा बॉण्ड खूप चांगला होता आणि आता पुन्हा एकदा एकत्र काम करणार असल्यानं दोघंही उत्सुक आहेत. भारतीय चित्रपटसृष्टीत हा सिनेमा धमाका घेऊन येणार आहे.”

हेही वाचा… “कितीही बोटॉक्स केलं तरी…” फिलर्स आणि सर्जरीबद्दल करण जोहर स्पष्टच म्हणाला…

दरम्यान, मोठं बजेट असलेल्या अल्लू अर्जुन आणि अ‍ॅटलीच्या या अ‍ॅक्शन चित्रपटाचं प्रॉडक्शन ऑक्टोबर २०२४ मध्ये सुरू होईल. तर अल्लू अर्जुनचा ‘पुष्पा-२’ लवकरच सिनेमागृहात प्रेक्षकांच्या भेटीला येणार आहे. समांथा वरुण धवनबरोबरच्या ‘सिटाडेल : हनी बनी’ सीरिजच्या तयारीत दिसते आहे.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Samantha ruth prabhu in atlees upcoming film with south star allu arjun dvr