ncp mla amol mitkari reaction on mahesh manjarekar bigg boss marathi 4 | Loksatta

“’बिग बॉस’च्या घरात जायला…”, महेश मांजरेकरांनी केलेल्या वक्तव्यावर अमोल मिटकरींची प्रतिक्रिया

अमोल मिटकरींनी ‘बिग बॉस’च्या घरात पाहायला आवडेल, असं महेश मांजरेकर म्हणाले होते.

“’बिग बॉस’च्या घरात जायला…”, महेश मांजरेकरांनी केलेल्या वक्तव्यावर अमोल मिटकरींची प्रतिक्रिया
अमोल मिटकरींनी 'बिग बॉस'च्या घरात सहभागी होण्याबाबत प्रतिक्रिया दिली आहे.

छोट्या पडद्यावरील अतिशय लोकप्रिय असलेला ‘बिग बॉस मराठी’चं चौथं पर्व सुरू होत आहे. २ ऑक्टोबरपासून ‘बिग बॉस’चं नव पर्व प्रेक्षकांच्या भेटीला येत आहे. पहिले तीनही पर्व हिट ठरल्यानंतर चौथ्या पर्वाची प्रेक्षक आतुरतेने वाट पाहत होते. या पर्वाचे सूत्रसंचालनही मराठी चित्रपटसृष्टीतील प्रसिद्ध दिग्दर्शक महेश मांजरेकर करणार आहेत. नुकतीच ‘बिग बॉस मराठी’च्या चौथ्या पर्वाची पत्रकार परिषद पार पडली.

महेश मांजरेकरांना या पत्रकार परिषदेत ‘बिग बॉस’च्या घरात कोणत्या राजकीय नेत्याला पाहायला आवडेल, असा प्रश्न विचारण्यात आला. यावर उत्तर देताना त्यांनी काही नेत्यांची नावे घेतली होती. राष्ट्रवादी कॉंग्रेस पक्षाचे आमदार अमोल मिटकरी यांचंही नाव मांजरेकरांनी घेतलं होतं. याबाबत मिटकरींनी प्रतिक्रिया दिली आहे.

हेही वाचा >> Big Boss Marathi : “अशी सोन्यासारखी संधी…”, ‘बिग बॉस’मध्ये सहभागी होण्याबाबत गुलाबराव पाटलांनी केलेलं वक्तव्य चर्चेत

अमोल मिटकरी यांनी ‘टीव्ही ९ मराठी’ला ‘बिग बॉस मराठी’च्या घरात जाण्याबाबत प्रतिक्रिया दिली. ते म्हणाले, “महेश मांजरेकर हे मराठी चित्रपटसृष्टीतील फार मोठे अभिनेते आणि दिग्दर्शक आहे. मी त्यांचा खूप मोठा चाहता आहे. त्यांनी माझ्याबद्दल चांगल्या भावना व्यक्त केल्या आहेत. मलाही त्यांच्या हाताखाली काम करायला आवडेल. माझ्यासारख्या सामान्य घरातील व्यक्तीचं नाव घेणं, ही माझ्यासाठी अभिमानास्पद बाब आहे. महेश मांजरेकरांनी ‘बिग बॉस’च्या घरात जाण्याची संधी दिली तर मी त्याचं सोनं करेन. ‘बिग बॉस’च्या घरात जायला मला नक्कीच आवडेल”.

हेही वाचा >> “नाटकाचा प्रयोग सुरू असताना लघुशंका आली अन्…”, प्रिया बापटने सांगितला ‘तो’ किस्सा

महेश मांजरेकरांनी अमोल मिटकरींसह आणखी काही नेत्यांची नावे घेतली होती. शिवसेना खासदार संजय राऊत यांचं नाव महेश मांजरेकरांनी घेतलं होतं.  ‘बिग बॉस’च्या घरात येण्यासाठी व्यक्तिमत्वात एक वेगळेपण असावं लागतं, ते संजय राऊत यांच्यामध्ये आहे, असं ते म्हणाले होते. याबरोबरच भाजपा आमदार नितेश राणे आणि शिंदे गटातील शिवसेना आमदार गुलाबराव पाटील यांनाही पाहायला आवडेल असं मांजरेकर म्हणाले होते.  

मराठीतील सर्व टेलीव्हिजन ( Television ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बिग बॉसच्या घरात होणार अपूर्वा नेमळेकरची एंट्री?, प्रोमो प्रदर्शित

संबंधित बातम्या

Video: हळदी कार्यक्रमात बेभान होऊन नाचले राणादा-पाठकबाई, मित्रांनी उचलून घेतलं अन्…; अक्षया-हार्दिकचा डान्स व्हिडीओ व्हायरल
“मी लहानपणापासूनच…” ‘बिग बॉस’मधील ‘गोल्डमॅन’ने साडेचार कोटींचे दागिने घालण्यामागचे सांगितले कारण
“तुमची लायकी…” ‘शार्क टँक इंडिया २’ मधून वगळल्यानंतर अशनीर ग्रोव्हरची प्रतिक्रिया
Video : …अन् लेकीला मिठी मारुन रडू लागले अक्षया देवधरचे वडील, राणादा-पाठकबाईंच्या हळदी कार्यक्रमाचा व्हिडीओ व्हायरल
Video : बँड बाजा, सजावट, पाहुण्यांची गर्दी; हळदी कार्यक्रमासाठी राणादा-पाठकबाईंनी केला मनसोक्त खर्च, हा व्हिडीओ एकदा पाहाच

व्हिडिओ

ताज्या बातम्या
VIDEO: “…म्हणून काँग्रेस नेत्यांनी पंतप्रधान नरेंद्र मोदींना शिव्या देणं सुरू केलं”, देवेंद्र फडणवीसांचा गुजरातमध्ये हल्लाबोल
FIFA World Cup 2022: …म्हणून यावेळी लिओनेल मेस्सी विश्वचषक जिंकणार? अर्जेंटिनासाठी अजब योगायोग
Akshaya Hardeek Wedding Live : ‘आली लग्नघटिका समीप..” अक्षया देवधर-हार्दिक जोशी अडकणार विवाहबंधनात
विश्लेषण: ‘Gaslighting’ ठरला Word Of The Year! अर्थ वाचून नक्कीच श्रद्धा वालकर प्रकरणाची आठवण येईल
Fifa World Cup 2022 : जपानचा स्पेनवर विजय, जर्मनी थेट स्पर्धेबाहेर