CM eknath shinde on shivsena mp sanjay raut dasara melava at bkc rmm 97 | Loksatta

“आम्हाला रेडे, डुक्कर म्हणणारे आता…”, एकनाथ शिंदेंचा संजय राऊतांना खोचक टोला

Dasara Melava 2022 updates: एकनाथ शिंदे यांनी दसरा मेळाव्यात शिवसेना खासदार संजय राऊतांवर टीकास्र सोडलं आहे.

“आम्हाला रेडे, डुक्कर म्हणणारे आता…”, एकनाथ शिंदेंचा संजय राऊतांना खोचक टोला

Dasara Melava 2022 latest news: मुंबईतील बीकेसी मैदानावर मुख्यमंत्री एकनाथ शिंदे यांच्या गटाचा ‘दसरा मेळावा’ पार पडला. या मेळाव्यातून एकनाथ शिंदे यांनी शिवसेना पक्षप्रमुख उद्धव ठाकरे यांच्यावर जोरदार हल्लाबोल केला आहे. दरम्यान, त्यांनी शिवसेनेचे खासदार संजय राऊत यांच्यावरही टीकास्र सोडलं आहे. आम्हाला रेडे, डुक्कर म्हणणारे आता कुठे आहेत? असा सवाल त्यांनी विचारला आहे.

शिवसेनेत बंडखोरी झाल्यानंतर शिवसेना खासदार आणि प्रवक्ते संजय राऊत यांनी शिंदे गटावर अनेक गंभीर आरोप केले होते. शिंदे गट गुवाहाटीला गेला असताना राऊतांनी विविध उपमा देऊन बंडखोर आमदारांवर टीका केली होती. या सर्व टीकेचा समाचार एकनाथ शिंदे यांनी आपल्या भाषणातून घेतला आहे.

हेही वाचा- Dasara Melava 2022 : “मैद्याचं पोतं, दाऊदचा हस्तक आणि बारामतीचा…” शहाजीबापू पाटलांचा शरद पवारांवर जोरदार हल्लाबोल

संजय राऊतांना उद्देशून एकनाथ शिंदे भाषणात म्हणाले, “तुम्ही आम्हाला काय-काय म्हणाले होता, ४० रेडे, गटारातील घाण, डुक्कर, टपरीवाला, रिक्षावाला, पानवाला आणि आणखी बरंच काही तुम्ही म्हटलं होतं. आम्हाला रेडे, डुक्कर म्हणणारे आता कोठे आहेत? आमच्यावर बोलल्यावर काय होतं माहीत आहे ना? असा खोचक टोलाही एकनाथ शिंदेंनी लगावला आहे.

हेही वाचा- “…म्हणजे एकनाथ शिंदे मेले तरी चालतील” जुना प्रसंग सांगत रामदास कदमांचा उद्धव ठाकरेंवर गंभीर आरोप

दरम्यान, त्यांनी उद्धव ठाकरेंवरही शाब्दिक हल्ला केला आहे. बाळासाहेबांच्या विचारांना तिलांजली देऊन तुम्ही जे पाप केलं आहे, ते शिवसैनिक कधीही विसरणार नाहीत. म्हणून महाराष्ट्रातील जनताही तुम्हाला माफ करणार नाही. तुम्ही वैचारिक व्याभिचार केला आहे. तुम्ही जे पाप केलंय त्यासाठी आधी बाळासाहेबांच्या शिवतीर्थावरील समाधीवर गुडघे टेका आणि माफी मागा, मग आमच्यावर बोला, अशी टीका एकनाथ शिंदेंनी केली आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Dasara Melava 2022 : “माझा विचार होता तिकडे जाऊन हिंदुत्वाचे विचार ऐकावेत, कारण..”, उद्धव ठाकरेंचा शिंदे गटाच्या मेळाव्यावर खोचक टोला!

संबंधित बातम्या

“दादोजी कोंडदेव शिवाजी महाराजांचे गुरू नव्हते आणि…”, पुरंदरेंचा उल्लेख करत काँग्रेसचं राज ठाकरेंना प्रत्युत्तर
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान
“पाच कोटी मोजायला गेले होते का?” चंद्रकांत खैरेंच्या आरोपाला गुलाबराव पाटलांचं प्रत्युत्तर
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
“काळ बदललाय, सगळंच तुमच्या…”, राज ठाकरेंच्या टीकेला जितेंद्र आव्हाडांचं प्रत्युत्तर!

व्हिडिओ

ताज्या बातम्या
‘द काश्मीर फाइल्स’ला ‘व्हल्गर’ आणि ‘प्रोपगंडा’ म्हणणाऱ्या लॅपिड यांनी मागितली माफी; म्हणाले, “काश्मिरी पंडितांचा…”
बनावट आधार, पॅनकार्डव्दारे १८ कोटींचा वस्तू व सेवाकरचा घोटाळा उघड; गुजरातचे व्यापारी कोठडीत
FIFA WC 2022: मोरोक्कोच्या जादुई दोन गोलमुळे कॅनडा आणि बेल्जियम विश्वचषकातून बाहेर, क्रोएशिया बाद फेरीत दाखल
Gujarat Election: काँग्रेस खासदार इम्रान प्रतापगढींच्या जाहीर सभेत गोंधळ, AIMIM वर टीका करताच…
“MPSC त उत्तीर्ण नाही झाला तरी गावाकडे…”, गोपीचंद पडळकरांचा विद्यार्थ्यांना अजब सल्ला