बोरीवली पश्चिम येथे १३ वर्षीय मुलीवर अत्याचार करणाऱ्या पित्याला एमएचबी पोलिसांनी अटक केली. गेल्या अनेक वर्षांपासून आरोपी पीडित मुलीवर अत्याचार करीत होता. याप्रकरणी बलात्कार, बालकांचे लैंगिक अपराधापासून संरक्षण कायद्याअंतर्गत पोलिसांनी गुन्हा दाखल केला आहे. पीडित मुलगी १० वर्षांची असल्यापासून आरोपी घरात कोणीच नसताना मुलीवर लैंगिक अत्याचार करीत होता.
हेही वाचा >>> मुंबईतील मॉडेलवर रांचीत बलात्कार, मग धर्मांतरासाठी दबाव; ‘द केरला स्टोरी’ पाहून पीडितेची थेट पोलीस ठाण्यात धाव
वारंवार झालेल्या प्रकारानंतर पीडित मुलीने आईला हा प्रकार सांगण्याचा प्रयत्न केला. पण आरोपी पित्याने पत्नीला खोटी माहिती दिली. त्यानंतर आरोपीने मुलीला मारण्याची धमकी दिली आणि तो तिच्यावर अत्याचार करीतच होता. या त्रासाला कंटाळून अखेर १३ वर्षांच्या मुलीने नुकतीच एमएचबी पोलिसांकडे तक्रार केली. त्यानुसार पोलिसांनी गुन्हा दाखल करून आरोपी पित्याला राहत्या घरातून अटक केली. पीडित मुलीची वैद्यकीय तपासणी करण्यात आल्याचे पोलिसांनी सांगितले.