“देवेंद्र फडणवीसांचा आत्मविश्वास ढासळला आहे, कारण…”; शिवसेनेच्या नेत्याचं वक्तव्य चर्चेत

अनिल देसाई म्हणाले, “‘इंडिया’ आघाडी एक पर्याय बनून समोर आली आहे. लोकांना परिवर्तन हवं आहे. लोकच सांगतील त्यांना कोण हवं आहे आणि कोण नको आहे. देवेंद्र फडणवीसांनी राजकीय पक्षांवर अशाप्रकारची वक्तव्ये करणं हे त्यांचा आत्मविश्वास ढासळला आहे हेच दाखवत आहे.”

“‘इंडिया’ आघाडीच्या बैठकीला मुंबईत २८ पक्ष हजर”

“३० ऑगस्टला शिवसेना पक्षप्रमुख उद्धव ठाकरे व राष्ट्रवादी काँग्रेसचे अध्यक्ष शरद पवार, प्रदेश काँग्रेसचे अध्यक्ष नाना पटोले, अशोक चव्हाण यांच्या उपस्थित चांगली चर्चा झाली. माध्यमांनाही माहिती देण्यात आली. ३१ ऑगस्ट आणि १ सप्टेंबरचा कार्यक्रम कसा असेल हे ठरलं. काल २८ पक्ष मुंबईत हजर होते. बंगळुरूमध्ये २६ पक्ष उपस्थित होते.”

“देशात एक परिवर्तन येत आहे”

या बैठकीचं यजमानपद उद्धव ठाकरे आणि शिवसेनेकडे आहे. त्यामुळे त्यांनी सर्व पक्षांच्या पदाधिकाऱ्यांना चांगलं जेवण दिलं. इथं लोकांमध्ये जोरदार उत्साह आहे. देशात एक परिवर्तन येत आहे. लोकांना असुरक्षितता वाटत आहे, बेरोजगारी, महागाई हे प्रश्न भेडसावत आहेत. त्याला इंडिया आघाडीच्या निमित्ताने एक पर्याय मिळाला आहे.

हेही वाचा : संजय राऊतांचा मोदी-शाहांवर हल्लाबोल, म्हणाले, “मुंबईच्या संपत्तीवर…”

“महाराष्ट्रच काय देशातील सर्व राज्यांचे नागरिक निवडणुकीसाठी उत्सूक”

इंडिया आघाडीचा जोर असाच वाढत जाणार आहे. त्यांनी कधीही निवडणूक घ्यावी. महाराष्ट्रच काय देशातील सर्व राज्यांचे नागरिक निवडणुकीसाठी उत्सूक आहेत. त्यांना पर्याय हवा आहे आणि तो पर्याय इंडिया आघाडीच्या रुपाने मिळतो आहे.