नागपूर: दिवाळीपर्यंत सोन्याचे दर सातत्याने वाढून विक्रमी उंचीवर गेले होते. त्यामुळे ग्राहकांमध्ये चिंता वाढली होती. परंतु आता हळू- हळू सातत्याने सोन्याच्या दरात घसरण होतांना दिसत आहे. बघता- बघता सोन्याचे दर मागील काही आठवड्यातील निच्चांकी स्तरावर पोहचले आहे. त्यामुळे ग्राहकांना मोठा दिलासा मिळाला आहे. मंगळवारी (४ नोव्हेंबर २०२५ रोजी) सोने- चांदीचे दर काय होते? त्याबाबत आपण जाणून घेऊ या.
दिवाळीपूर्वी सोन्याचे दर विक्रमी उंचीवर गेले होते. परंतु दिवाळीत थोड्या प्रमाणात दरात घसरण झाली. परंतु आता सातत्याने सोन्याचे दर घसरतांना दिसत आहे. दिवाळीत सोन्याचे दर नेहमीच्या तुलनेत जास्त असतांनाही ग्राहकांनी धनत्रयोदशी, लक्ष्मीपूजनाच्या मुहर्तावर मोठ्या प्रमाणावर सोने- चांदीचे दागिने, मुर्तीसह इतरही वस्तूंची खरेदी केली होती. परंतु आता दरात घसरण होत असल्याने तेव्हा सोने- चांदीत गुंतवणूक करणाऱ्यांना आर्थिक फटका बसल्याचे पुढे येत आहे. तर सोने- चांदीचे दर घसरल्याने लग्न सराईनिमित्त खरेदीची इच्छा असलेल्या ग्राहकांना मोठा दिलासा मिळाला आहे.
धनत्रयोदशीला नागपुरात सोन्याचे दर (१८ ऑक्टोंबर २०२५) जीएसटी आणि मेकिंग शुल्क वगळून २४ कॅरेटसाठी प्रति दहा ग्राम १ लाख २८ हजार ५०० रुपये, २२ कॅरेटसाठी १ लाख १९ हजार ५०० रुपये, १८ कॅरेटसाठी १ लाख २०० रुपये, १४ कॅरेटसाठी ८३ हजार ५०० रुपये होते.
दरम्यान हे दर २१ ऑक्टोंबर २०२५ रोजी प्रति दहा ग्राम २४ कॅरेटसाठी १ लाख २९ हजार ५०० रुपये, २२ कॅरेटसाठी १ लाख २० हजार ४०० रुपये, १८ कॅरेटसाठी १ लाख १ हजार रुपये, १४ कॅरेटसाठी ८४ हजार २०० रुपये होते. तर आता मंगळवारी (४ नोव्हेंबर २०२५ रोजी) दुपारी १२.३० वाजता नागपुरात सोन्याचे दर प्रति दहा ग्राम २४ कॅरेटसाठी १ लाख २० हजार ३०० रुपये, २२ कॅरेटसाठी १ लाख ११ हजार ९०० रुपये, १८ कॅरेटसाठी ९३ हजार ८०० रुपये, १४ कॅरेटसाठी ७८ हजार २०० रुपये होते. त्यामुळे हे दर मागील काही महिन्यातील निच्चांकी दर आहे.
चांदीच्या दरातही मोठी घसरण…
नागपुरात धनत्रयोदशीच्या दिवशी चांदीचे दर प्रति किलो १ लाख ७० हजार ५०० रुपये होते. हे दर लक्ष्मीपूजनाला २१ ऑक्टोंबरला १ लाख ६८ हजार ७०० रुपये तर आता मंगळवारी (४ नोव्हेंबर २०२५ रोजी) दुपारी १२.३० वाजता प्रति किलो १ लाख ४७ हजार ९०० रुपये नोंदवले गेले.